មន្ទីរវប្បធម៌ កីឡា និងទេសចរណ៍អានយ៉ាង បានឲ្យដឹងថា ចំនួនភ្ញៀវទេសចរមកទស្សនាកម្សាននៅតំបន់កម្សាន្តនានានៅក្នុងខេត្តអានយ៉ាង ចាប់ពីថ្ងៃទី២៥ ខែមករា ដល់ថ្ងៃទី២ ខែកុម្ភៈ (ចាប់ពីថ្ងៃទី២៦ ដល់ថ្ងៃទី៥ នៃបុណ្យចូលឆាំ្នថ្មី) សម្រេចបានប្រមាណ ៧៧១ពាន់នាក់តាមការសន្និដ្ឋាន កើនឡើង ០,៤% ធៀបនឹងដំណាលពេលនេះឆ្នាំ ២០២៤។
ចំនួនភ្ញៀវដែលមកស្នាក់នៅត្រូវបានប៉ាន់ប្រមាណថាមានចំនួន ៧.២៣៩នាក់ កើនឡើង ១១,៣%ធៀបនឹងដំណាលពេលនេះឆ្នាំ ២០២៤ ក្នុងនោះភ្ញៀវអន្តរជាតិមានចំនួន ១.៥៦៤នាក់ កើនឡើងចំនួន ៣៧៩ នាក់ ធៀបនឹងដំណាលពេលនេះឆ្នាំ ២០២៤។ចំនួនភ្ញៀវដែលអាស្រ័យដោយធុរកិច្ចទេសចរណ៍លើភូមិសាស្ត្រខេត្តបានបម្រើប្រមាណ ១.៤៩៥នាក់ កើនឡើង ៤,៣%ធៀបនឹងដំណាលពេលនេះឆ្នាំ ២០២៤។
ក្នុងឱកាសបុណ្យចូលឆ្នាំថ្មីវៀតណាម ឆ្នាំ ២០២៥ បណ្តាតំបន់ទេសចរណ៍ និងកន្លែងកម្សាន្តនានាបានវិនិយោគយ៉ាងសកម្មក្នុងការជួសជុលមូលដ្ឋានសម្ភារៈ កែលម្អទេសភាព សម្អាតបរិស្ថានឡើងវិញរួមបញ្ចូលនឹងការអភិវឌ្ឍន៍សេវាកម្មម្ហូបអាហារ និងការទិញទំនិញចម្រុះ ដើម្បីទាក់ទាញភ្ញៀវទេសចរក្នុងឱកាសបុណ្យចូលឆាំ្ន៕
ប្រែ៖ ណារីពៅ
