នៅថ្ងៃត្រង់ទី ១៧ មិថុនា លោក ហូវ៉ាន់ម៉ឹង សមាជិកបម្រុងគណៈកម្មាធិការមជ្ឈិមបក្ស អនុលេខាបក្ខភាគខេត្ត ប្រធានគណៈកម្មាធិការប្រជាជនខេត្តអានយ៉ាង រួមជាមួយគណៈប្រតិភូខេត្តបានអញ្ជើញទៅត្រួតពិនិត្យល្បឿនរៀបចំដំណើរការអាជ្ញាធរមូលដ្ឋានពីរថ្នាក់នៅទីក្រុងចូវដុក។
គណប្រតិភូបានត្រួតពិនិត្យល្បឿនបែងចែកនិងការរៀបចំអង្គការក្បាលម៉ាស៊ីននិងសមាជីកភាពនៅតាមអង្គភាពរដ្ឋបាលថ្នាក់សង្កាត់ថ្មីដែលទើបបានរួមបញ្ចូល។ ការងាររៀបចំមូលដ្ឋានសម្ភារៈ ទីស្តីការការងារនិងបរិក្ខារសម្រាប់បម្រើសកម្មភាពរបស់ស្ថាប័ន អង្គភាពថ្មី និង សកម្មភាពនៃមជ្ឈមណ្ឌលសេវាកម្មរដ្ឋបាលសាធារណៈថ្នាក់សង្កាត់(សង្កាត់ចូវដុកនិងវិញតេ) ការដំឡើង និងត្រួតពិនិត្យប្រព័ន្ឋខ្សែបញ្ជូន និងហេដ្ឋារចនាសម្ព័ន្ធបច្ចេកវិជ្ជាព័ត៌មានវិទ្យា បម្រើដល់សកម្មភាពប្រតិបត្តិការ ការទទួល និងការដោះស្រាយនីតិវិធីរដ្ឋបាល។ ការងារផ្សព្វផ្សាយ ណែនាំប្រជាជនអំពីទីតាំងប្រតិបត្តិការនីតិវិធីរដ្ឋបាលថ្មី។ ការងាររៀបចំនិងដំណោះរការសាកល្បងសកម្មភាពរបស់ស្ថាប័ន និងអង្គការនៅសង្កាត់ថ្មីជាដើម។
ប្រធានគណៈកម្មាធិការប្រជាជនខេត្ត បានសំណូមពរដល់ថ្នាក់ដឹកនាំក្រុងចូវដុក និងគណៈកម្មការបម្រុងរបស់សង្កាត់ថ្មីទាំង ២ ឲ្យយកចិត្តទុកដាក់ពន្លឿនក្នុងការជួសជុលទីស្តីការ រៀបចំកន្លែងចតរថយន្ត កន្លែងអង្គុយ និងទឹកផឹកសម្រាប់ប្រជាជន។នៅថ្ងៃទី ២២ ខែមិថុនា ឃុំ និងសង្កាត់ថ្មីទាំង ៥៤ នៅក្នុងខេត្តបានដំណើរការសាកល្បងព្រមៗគ្នា។ កម្មាភិបាល រដ្ឋការ និងបុគ្គលិករដ្ឋទាំងអស់បានវត្តមាននៅអង្គភាពថ្មី រៀបចំកិច្ចប្រជុំរបស់បក្ខភាគ ក្រុមប្រឹក្សាប្រជាជន គណៈកម្មាធិការប្រជាជន គណៈកម្មាធិការរណសិរ្សមាតុភូមិវៀតណាម។ល។ ជាពិសេស ដំណើរការមជ្ឈមណ្ឌលបម្រើរដ្ឋបាលសាធារណៈជាផ្លូវការ ទទួលឯកសារ និងនីតិវិធីពីប្រជាជន។ បន្ទាប់ពីដំណើរការសាកល្បង ខេត្តនឹងដកបទពិសោធន៍ ហើយធ្វើការកែសម្រួលដើម្បីដំណើរការជាផ្លូវការនៅថ្ងៃទី ១ ខែកក្កដា៕
ប្រែ៖ ណារីពៅ
