ដើម្បីលើកតម្កើង អភិរក្ស និងពង្រីកតម្លៃវប្បធម៌ប្រពៃណីរបស់ជនជាតិទាំងបួន ខ្មែរ គិន ចិន និងចាមនៅលើភូមិសាស្ត្រខេត្តអានយ៉ាង។គណៈកម្មាធិការប្រជាជនខេត្តនឹងរៀបចំទិវាបុណ្យវប្បធម៌ កីឡា និងទេសចរណ៍របស់ជនជាតិទាំងបួននៅខេត្តអានយ៉ាងជាលើកដំបូងនៅឆ្នាំ ២០២៦។ ព្រឹត្តិការណ៍នេះត្រូវបានគេរំពឹងថានឹងប្រព្រឹត្តទៅចាប់ពីថ្ងៃទី ២៤ ដល់ថ្ងៃទី ២៦ ខែមិថុនា នៅសង្កាត់រ៉ាច់យ៉ា។
ទិវាបុណ្យប្រពឹត្តទៅដោយសកម្មភាពជាច្រើនរួមមាន៖ ការប្រឡងសិល្បៈប្រជាប្រិយ ការបង្ហាញម៉ូដសម្លៀកបំពាក់របស់ជនរួមជាតិទាំងបួន ការតាំងពិព័រណ៍សៀវភៅនិងរថយន្តប័ណ្ណាល័យចល័ត។ការតាំងពិព័រណ៍រូបថតសិល្បៈ "អានយ៉ាងទឹកដី និងមនុស្ស"។ ការតាំងពិព័រណ៍ផលិតផលអូខូប និងផលិតផលពិសេស ការប្រកួតប្រជែងកីឡាប្រពៃណី និងល្បែងប្រជាប្រិយ (រត់អត្តពលកម្ម រុញដំបង ទាញព្រ័ត្រ បាល់ទះបុរស)
ក្នុងនោះ ចំណុចលេចធ្លោគឺជាការប្រឡងសិល្បៈប្រជាប្រិយ និងបង្ហាញម៉ូដសម្លៀកបំពាក់របស់ជនរួមជាតិទាំងបួននៅមជ្ឈមណ្ឌលវប្បធម៌ និងសិល្បៈខេត្ត។ មកជាមួយពិធីប្រឡង អង្គភាពនឹងនាំមកនៅទស្សនីយភាពរាំច្រៀង និងការសម្តែងប្រជាប្រិយ សម្តែងឧបករណ៍ភ្លេងប្រពៃណី និងបង្ហាញសម្លៀកបំពាក់ប្លែកៗរបស់ជនជាតិនីមួយៗ។
ទន្ទឹមនិងនោះ កន្លែងតាំងពិព័រណ៍ដែលមានប្រធានបទ "សម្រស់បេតិកភណ្ឌវប្បធម៌របស់ជនរួមជាតិទាំងបួន៖ ខ្មែរ ចិន ចាម គិនខេត្តអានយ៉ាង" នឹងដាក់តាំងបង្ហាញរូបភាព វត្ថុបុរាណ ឧបករណ៍ភ្លេង ឧបករណ៍កសិកម្ម សិប្បកម្មសិល្បះ សម្លៀកបំពាក់ប្រពៃណីជាដើមរបស់ជនជាតិទាំងបួននៅលើភូមិសាស្ត្រខេត្ត។
ពិធីបើកបានសន្និដ្ឋានថានឹងធ្វើឡើងនៅម៉ោង ៧ យប់ ថ្ងៃទី២៤ ខែមិថុនា នៅមជ្ឈមណ្ឌលវប្បធម៌ និងសិល្បៈខេត្ត ជាមួយនឹងកម្មវិធីសិល្បៈដែលបានរៀបចំឡើងយ៉ាងសម្បូបែប ពោពេញដោយអត្តសញ្ញាណវប្បធម៌ជាតិ។ពិធីបុណ្យនឹងបិទនៅយប់ថ្ងៃទី ២៦ ខែមិថុនា មានការសម្តែងនូវទស្សនីយភាពឆ្នើមៗ និងប្រគល់ពានរង្វាន់ដល់សមូហភាព បុគ្គលដែលទទួលបានស្នាដៃឆ្នើម។
ព្រឹត្តិការណ៍ គឺជាឱកាសមួយសម្រាប់ខេត្តអានយ៉ាង ណែនាំ និងផ្សព្វផ្សាយសក្តានុពល និងប្រៀបខ្លាំងអំពីវប្បធម៌ កីឡា និងទេសចរណ៍របស់ជនជាតិនានានៅលើភូមិសាស្ត្រ។តាមរយៈនោះ រួមចំណែកអប់រំអំពីប្រពៃណីស្នេហាជាតិ ពង្រឹងធ្លុងមហាសាមគ្គីភាពជនជាតិនានា លើកកម្ពស់ការយល់ដឹង និងទំនួលខុសត្រូវរបស់សហគមន៍ក្នុងការអភិរក្សវប្បធម៌ប្រពៃណី។
ទិវាបុណ្យវប្បធម៌ កីឡា និងទេសចរណ៍របស់ជនជាតិទាំងបួនខេត្តអានយ៉ាង លើកទីមួយឆ្នាំ ២០២៦ ធ្វើអធិបតីភាពដោយមន្ទីរវប្បធម៌ និងកីឡា សហការជាមួយមន្ទីរជនជាតិ និងសាសនា មន្ទីរទេសចរណ៍ និងមន្ទីរឧស្សាហពាណិជ្ជកម្ម។ មន្ទីរកសិកម្ម និងបរិស្ថាន។ មជ្ឈមណ្ឌលជំរុញវិនិយោគ ពាណិជ្ជកម្ម និងទេសចរណ៍ សហភាពសមាគមអក្សរសាស្ត្រនិងសិល្បៈខេត្តនិងអង្គភាពពាក់ព័ន្ធផ្សេងៗទៀត៕
ប្រែ៖ ណារីពៅ
