នៅថ្ងៃទី ២៧ ខែឧសភា នៅសង្កាត់ឡុងស៊្វៀន មជ្ឈមណ្ឌលជំរុញកសិកម្មតំបន់វាលរាបទន្លេគឺវឡុង សហការជាមួយមជ្ឈមណ្ឌលជំរុញកសិកម្មអានយ៉ាង និងក្រុមហ៊ុន Bayer វៀតណាម បានរៀបចំសិក្ខាសាលាស្តីពី “ការជំរុញការផ្ទេរបច្ចេកវិជ្ជា និងចំណេះដឹងអនុវត្តកសិកម្មដោយចីរភាព និងប្រសិទ្ធភាព ពង្រីកទម្រង់ Bayer ForwardFarming - កសិកម្មចីរភាពឆ្ពោះទៅអនាគត ដើម្បីបង្កើនផលិតភាព និងគុណភាពផលិតផល គាំទ្រការអនុវត្តគម្រោងដាំស្រូវគុណភាពខ្ពស់ ១ លានហិកតា ការបំភាយឧស្ម័នទាប ភ្ជាប់នឹងកំណើនបៃតងនៅតំបន់វាលរាបទន្លេគឺវឡុង” នៅខេត្តអានយ៉ាង។
នៅក្នុងសិក្ខាសាលា ប្រតិភូបានពិភាក្សាអំពីស្ថានភាពធនធានទឹក និងបញ្ហាទឹកប្រៃជ្រាបចូលតំបន់វាលរាបទន្លេគឺវឡុង ដំណោះស្រាយស្តុកទឹកចែកចាយ ដើម្បីបម្រើការបង្ការ និងទប់ទល់ភាពរាំងស្ងួត និងជ្រាបទឹកប្រៃក្នុងផលិតកសិកម្ម ផ្សព្វផ្សាយយុទ្ឋសាស្ត្រការងារជំរឿនកសិកម្មសម្រាប់បម្រើការអភិវឌ្ឍផលិតកម្មកសិកម្ម និងជនបទនៅថ្នាក់ឃុំ ណែនាំទម្រង់ Bayer ForwardFarming -កសិកម្មចីរភាពឆ្ពោះទៅអនាគតរបស់ក្រុមហ៊ុន Bayer វៀតណាម។
ទន្ទឹមនិងនោះ ក៏ផ្លាស់ប្តូរ វិភាគនិងស្នើដំណោះស្រាយអាចដែលអនុវត្តទៅបានដើម្បីជំរុញផលិតកម្មស្រូវគុណភាពខ្ពស់ មានប្រសិទ្ឋភាពនិងចីរភាព។បង្កើនសមត្ថភាពក្នុងការទប់ស្កាត់ និងសម្របខ្លួនទៅនឹងគ្រោះរាំងស្ងួត និងការជ្រាបចូលទឹកប្រៃក្រោមលក្ខខណ្ឌថ្មីជាដើម។
សិក្ខាសាលាបានបង្កលក្ខណៈឲ្យអ្នកវិទ្យាសាស្ត្រ និងផ្នែកជំនាញស្នើដំណោះស្រាយគាំទ្រសហរណ៍ និងកសិករទទួលបានទម្រង់វប្បកម្មប្រសិទ្ឋភាព ជំរុញធុរកិច្ចឲ្យបន្តសិក្សាស្រាវជ្រាវ ផ្លាស់ថ្មីច្នៃប្រឌិត រួមដំណើរជាមួយវិស័យជំរឿនកសិកម្មនាំចំណេះដឹង បច្ចេកវិជ្ជា និងលទ្ធផលស្រាវជ្រាវទៅអនុវត្តជាក់ស្តែងក្នុងការផលិតជាក់ស្តែង ដើម្បីជួយឲ្យកសិករសម្របខ្លួនចំពោះការប្រែប្រួលអាកាសធាតុនាពេលបច្ចុប្បន្ន៕
ប្រែ៖ ណារីពៅ
