នៅថ្ងៃទី ២៥ ខែ ឧសភា នៅឃុំហូយអាន លោក ហូ វ៉ាន់ម៉ឹង សមាជិកគណៈកម្មាធិការមជ្ឈិមបក្ស អនុលេខាបក្សខេត្ត និងប្រធានគណៈកម្មាធិការប្រជាជនខេត្តអានយ៉ាង ធ្វើអធិបតីកិច្ចប្រជុំជាមួយឃុំនិងសង្កាត់ចំនួន ២៥ ស្ថិតក្នុងអនុតំបន់ភាគខាងកើតខេត្តអានយ៉ាង។ អញ្ជើញចូលរួមផងដែរ មានលោក ឡេវ៉ាន់ភឿក លោក ង៉ោកុងធឹក អ្នកស្រី ង្វៀនធីមិញធ្វី និងលោក ឡេត្រុងហូ អនុប្រធានគណៈកម្មាធិការប្រជាជនខេត្ត ។
អនុតំបន់ភាគខាងកើតខេត្តអានយ៉ាង មានឃុំសង្កាត់ចំនួន ២៥ រួមមាន៖ ចូវភូ ប៊ិញម៉ីអានចូវ ប៊ិញហ្វាកឹនដាំងវិញហាញ់ វិញអាន ចើម៉ើយ គូឡាវយៀងហូយអានឡុងដៀន ញឺនម៉ី ឡុងគៀន ភូតាន់ ភូអាន អុកអ៊ែ ឌិញមី ភូហ្វា វិញត្រាច់ តៃភូ ថ្វយសឺន ឡុងស៊ៀនប៊ិញឌឹកមីធើយនិងមីហ្វាហ៊ឹង។ តំបន់នេះមានផ្ទៃដីធម្មជាតិសរុប ១.៥៧០,៨៧គីឡូម៉ែត្រការ៉េ ជាមួយប្រជាជនជាង ១ លាននាក់។
អនុតំបន់ភាគខាងកើត ត្រូវបានតម្រង់ទិសអភិវឌ្ឍន៍ឲ្យក្លាយជាមជ្ឈមណ្ឌលកសិកម្មអនុវត្តបច្ចេកវិទ្យាខ្ពស់ ភ្ជាប់ជាមួយទីក្រុងចំណេះដឹង ពាណិជ្ជកម្ម និងសេវាកម្មរបស់ខេត្ត។ ទម្រង់អភិវឌ្ឍន៍ក្នុងទិសដៅបញ្ចូលគ្នារវាងទីក្រុង - ចំណេះដឹង - ផលិតកម្មកសិកម្មទំនើប បង្កើតជាខ្សែសង្វាក់តម្លៃកសិកម្មបច្ចេកវិទ្យាខ្ពស់ ដែលមាននិរន្តរភាព និងមានសមត្ថភាពប្រកួតប្រជែងខ្ពស់ជាងនៅលើទីផ្សារ។ ក្នុងនោះ ទីក្រុងឡុងស៊្វៀន បានតម្រង់ទិសអភិវឌ្ឍក្លាយជាទីក្រុងចំណេះដឹង - បៃតង - ទំនើប ដើរតួជាមជ្ឈមណ្ឌលអប់រំ បណ្តុះបណ្តាល ស្រាវជ្រាវវិទ្យាសាស្ត្រ និងនវានុវត្តន៍របស់ខេត្ត។
ថ្លែងក្នុងកិច្ចប្រជុំ លោកហូ វ៉ាន់ម៉ឹង ប្រធានគណៈកម្មាធិការប្រជាជនខេត្ត បានវាយតម្លៃថា អនុតំបន់ភាគខាងកើតមានលក្ខខណ្ឌគ្រប់គ្រាន់ទាំងដីធ្លី និងធនធានមនុស្សសម្រាប់អភិវឌ្ឍន៍នាពេលខាងមុខ មានផែនការរៀបចំចម្រុះ សក្ដានុពលខ្ពស់អភិវឌ្ឍន៍ខាងវិស័យកសិកម្ម ឧស្សាហកម្ម តំបន់ទីក្រុងសកលវិទ្យាល័យ ហើយព្រមទាំងមានរាចរណ៍ដឹកជញ្ជូនអំណោយផលខណៈដែលស្ថិតនៅលើខ្សែផ្លូវសំខាន់ពីកើតទៅលិច ភ្ជាប់ជាមួយខេត្តដុងថាប និងកឹនធើ។
លោក ហូវ៉ាន់ម៉ឹង ប្រធានគណៈកម្មាធិការប្រជាជនខេត្ត ស្នើឲ្យប្រធានគណៈកម្មាធិការប្រជាជនឃុំសង្កាត់ទាំង ២៥ ត្រូវមានភាពសកម្ម និងលើកកម្ពស់ស្មារតីទទួលខុសត្រូវខ្ពស់ក្នុងការគ្រប់គ្រង និងប្រតិបត្តិ។ ពង្រីកគុណសម្បត្តិរបស់អនុតំបន់ខាងកើតដើម្បី
អភិវឌ្ឍសេដ្ឋកិច្ចសង្គម ទាក់ទាញការវិនិយោគ និងកែលម្អហេដ្ឋារចនាសម្ព័ន្ធឲ្យល្អឥតខ្ចោះ រួមចំណែកបង្កើនកំណើនសេដ្ឋកិច្ចកម្រិត ២ខ្ទង់។
នៅក្នុងកិច្ចប្រជុំ លោក ហូវ៉ាន់ម៉ឹង ប្រធានគណកម្មាធិការប្រជាជនខេត្តបានកត់ត្រាទទួលស្គាល់ និងលើកសរសើរពីឃុំសង្កាត់ទាំង ២៥ របស់អនុតំបន់ខាងកើតបានផ្តោតលើការណែនាំភារកិច្ចសេដ្ឋកិច្ចក្នុងរយៈពេល ៥ខែដើមឆ្នាំ ២០២៦។ អនុវត្តអាជ្ញាធរមូលដ្ឋាន ២ថ្នាក់ និងធានាសន្តិសុខសង្គមបានល្អ។
លោក ហូវ៉ាន់ម៉ឹង ប្រធានគណកម្មាធិការប្រជាជនខេត្តតម្រូវឲ្យគណកម្មាធិការប្រជាជនឃុំសង្កាត់និងលេខាគណកម្មាធិការបក្សបន្តយកចិត្តទុកដាក់ណែនាំអភិវឌ្ឍសេដ្ឋកិច្ចសង្គម ធានាសន្តិសុខជាតិ ត្រួតពិនិត្យ និងតាមដានជាប្រចាំមិនទុកឲ្យប៉ះពាល់ដល់ការងាររួម។ បង្កើនការបញ្ចេញថវិកាទុនវិនិយោគសាធារណៈ។ អនុវត្តគោលដៅ និងភារកិច្ចប្រកបដោយប្រសិទ្ធភាព ព្រមទាំងត្រួតពិនិត្យ និងតាមដានជាប្រចាំ ដើម្បីធានាបាននូវគោលដៅអភិវឌ្ឍន៍សេដ្ឋកិច្ច-សង្គម។ តាមរយៈនោះ ក្នុងដំណើរការចាត់តាំង និងអនុវត្តត្រូវផ្សារភ្ជាប់នឹងស្មារតី “ច្បាស់ ៦” និងវាយតម្លៃកម្មាភិបាល។
បណ្តាមូលដ្ឋានត្រូវជម្នះលើបញ្ហាខ្វះខាតបន្តទៀត ជាពិសេសគឺចំពោះគោលដៅសេដ្ឋកិច្ចសង្គម ដែលសម្រេចបានអត្រាទាប ដូចជា៖បញ្ចេញថវិកាទុនវិនិយោគ និងរំដោះផ្ទៃរាបជាដើម។
អនុវត្តភារកិច្ចមានប្រសិទ្ធភាព មានផលិតផលជាក់ស្តែង ស្របតាមសេចក្តីសម្រេចចិត្ត និងកម្មវិធីសកម្មភាពរបស់មជ្ឈិម ខេត្ត និងមូលដ្ឋាន។ហើយបន្តអនុវត្តមានប្រសិទ្ឋភាពទម្រង់អាជ្ញាធរមូលដ្ឋាន២ថ្នាក់។គណកម្មាធិការបក្សមូលដ្ឋានវាយតម្លៃសមត្ថភាពកម្មាភិបាលជាសាធារណៈ តម្លាភាព និងសត្យានុម័ត្រ។បង្កើនការងារបណ្តុះបណ្តាល ហ្វឹកហ្វឺន លើកកម្ពស់ចំណេះដឹងជំនាញសម្រាប់កម្មាភិបាលថ្នាក់ឃុំសង្កាត់។ ប្រមូលផ្តុំដោះស្រាយបែបបទរដ្ឋបាល សម្រាប់ប្រជាជននិងធុរកិច្ច។
បណ្តាឃុំសង្កាត់ផ្តោតលើការបញ្ចប់ផែនការឃុំ និងសង្កាត់នៅក្នុងខែមិថុនាដើម្បីបង្កើតឱកាសសម្រាប់ការអភិវឌ្ឍ។ តាមរយៈនោះ ការរៀបចំផែនការឃុំ និងសង្កាត់ត្រូវច្បាមជាប់ទៅនឹងការរៀបចំផែនការខេត្ត។ បង្កើនការគ្រប់គ្រងរដ្ឋលើគ្រប់វិស័យ ថែទាំជីវភាពរស់នៅរបស់ប្រជាជន និងពិនិត្យសាឡើងវិញគ្រួសារក្រីក្រនៅក្នុងខេត្ត។ក្រៅពីនេះ ធានាសន្តិសុខនយោបាយ និងសុវត្ថិភាពសណ្តាប់ធ្នាប់សង្គម ដោយធានាថាបណ្តាឃុំសង្កាត់គ្មានគ្រឿងញៀន ហើយដោះស្រាយពាក្យបណ្តឹងស្របតាមបទប្បញ្ញតិ។
យោងតាមបាយការណ៍អនុវត្តភារកិច្ចអភិវឌ្ឍន៍សេដ្ឋកិច្ចសង្គមក្នុងត្រីមាសទី១ របស់ឃុំសង្កាត់អនុតំបន់ខាងកើតអានយ៉ាង ក្នុងរយៈពេលកន្លង ការងារដឹកនាំ និងចាត់ចែងរបស់គណៈកម្មាធិការប្រជាជនឃុំ និងសង្កាត់នានានៅអនុតំបន់ភាគខាងកើតបានផ្សព្វផ្សាយអនុវត្តទាន់ពេល និងស្របគ្នា ដោយច្បាមជាប់គោលការណ៍ និងសេចក្តីសម្រេចចិត្តរបស់មជ្ឈិមនិងខេត្ត។ បណ្តាភារកិច្ច និងដំណោះស្រាយបានដាក់ចេញជាមូលដ្ឋានហើយបានរៀបចំអនុវត្តម៉ឹងមាត់និងសម្រេចបានលទ្ធផលវិជ្ជមានជាច្រើនលើវិស័យផ្សេងៗ។
ចំណូលថវិកាសរុបបាន ៥០៩.៧៥០/១.៩៥០.៥៣៨លានដុង លើផែនការ 1.950.538 លានដុង (សម្រេចបាន ២៦,១៣%)។ អត្រាដោះស្រាយឯកសាររដ្ឋបាលសម្រេចបានពី ៩៨% ឡើងទៅ។ការកាត់បន្ថយពេលវេលាដំណើរការសម្រាប់នីតិវិធីរដ្ឋបាល និងការដោះស្រាយពាក្យបណ្តឹង និងការបរិហារបានអនុវត្តយ៉ាងតឹងរ៉ឹង និងស្របតាមបទប្បញ្ញត្តិ។
វិស័យវប្បធម៌ អប់រំ សុខាភិបាល និងសន្តិសុខសង្គមបន្តបានយកចិត្តទុកដាក់ ជីវភាពសម្ភារៈនិងស្មារតីរបស់ប្រជាជនបានកែចម្រើនបន្តិចម្តងៗ។ ការការពារសន្តិសុខជាតិ និងសន្តិសុខត្រូវបានរក្សា សណ្តាប់ធ្នាប់ និងសុវត្ថិភាពសង្គមមានស្ថិរភាពជាមូលដ្ឋាន ហើយការទំនាក់ទំនងការទូត និងកិច្ចសហប្រតិបត្តិការអភិវឌ្ឍន៍បានបង្កើននិងពង្រឹង៕
ប្រែ៖ ណារីពៅ
