នាថ្ងៃទី ១៤ មេសា លោកស្រី ដាំងធីហ្វារ៉ី សមាជិកាគណៈអចិន្ត្រៃយ៍បក្ខភាគខេត្ត ប្រធានគណៈកម្មាធិការរណសិរ្សមាតុភូមិវៀតណាមខេត្តអានយ៉ាង បានដឹកនាំបក្ខភាគខេត្ត - ក្រុមប្រឹក្សាប្រជាជន - គណៈកម្មាធិការប្រជាជន - គណៈកម្មាធិការរណសិរ្សមាតុភូមិវៀតណាមខេត្តទៅសួរសុខទុក្ខ និងជូនពរវិហារសាសនាកាតូលិក នុយសាប់ និងវិហារសាសនាប្រូតេស្តង់នុយសាប់ (ទីរួមស្រុកនុយសាប់ ស្រុកថ្វយសឺន) និងវិហារឡុងស្វៀនក្នុងឱកាសបុណ្យអ៊ីស្ទើរឆ្នាំ ២០២៥ ។
នៅគោលដៅនីមួយៗ តាងនាមគណៈប្រតិភូ លោកស្រី ដាំងធីហ្វារ៉ី ប្រធានគណៈកម្មាធិការរណសិរ្សមាតុភូមិវៀតណាមខេត្ត បានផ្ញើសារជូនពរដ៏ល្អប្រសើដល់បូជាចារ្យ គ្រូគង្វាល និងព្រះសហគមន៍កាតូលិកទាំងអស់ សូមស្វាគមន៍បុណ្យអ៊ីស្ទើរឆ្នាំ ២០២៥ ដោយសន្តិភាព និងសុភមង្គល។ ទន្ទឹមនឹងនោះ ព័ត៍មានបានសង្ខេបអំពីស្ថានភាពអភិវឌ្ឍន៍សេដ្ឋកិច្ចសង្គមរបស់អង្គភាពរដ្ឋបាលខេត្តក្នុងបណ្តាខែដំបូង។ ការដែលរៀបចំអង្គភាពរដ្ឋបាលថ្នាក់ខេត្តថ្នាក់ឃុំ កត់ត្រាទទួលស្គាល់និងវាយតម្លៃខ្ពស់ចំពោះការរួមចំណែករបស់គ្រឹះស្ថានកាតូលិក និងប្រូតេស្តង់ ចំពោះសមិទ្ធិផលរួមរបស់ខេត្តក្នុងវិស័យអភិវឌ្ឍន៍សេដ្ឋកិច្ច-សង្គម កសាងធ្លុងមហាសាមគ្គីទូទាំងជាតិសាសន៍។ តាមរយៈនោះ សង្ឃឹមថា នាពេលខាងមុខ បណ្តាបូជាចារ្យ និងគ្រូគង្វាលនឹងបន្តកៀរគរបងប្អូនសាសនិកកាតូលិក ឲ្យអនុវត្តបានល្អនូវគោលការណ៍របស់បក្ស និងគោលនយោបាយច្បាប់របស់រដ្ឋ។ សាមគ្គី ពង្រីកប្រពៃណីស្នេហាជាតិ “រស់នៅផ្លូវលោកក៏ល្អផ្លូវធម៌ក៏ល្អ” រួមចំណែកអភិវឌ្ឍន៍សេដ្ឋកិច្ចសង្គមនៅមូលដ្ឋាន។
អស់លោកបូជាចារ្យ និងគ្រូគង្វាលបានថ្លែងអំណរគុណចំពោះការយកចិត្តទុកដាក់របស់បក្ខភាគខេត្ត ក្រុមប្រឹក្សាប្រជាជន គណៈកម្មាធិការប្រជាជន និងគណៈកម្មាធិការរណសិរ្សមាតុភូមិវៀតណាមខេត្តជួយដល់បងប្អូនសាសនាកាតូលិក និងអ្នកជឿលើកកម្ពស់កម្លាំងធ្លុងមហាសាមគ្គីទូទាំងជាតិសាសន៍ រួមគ្នាកសាងមាតុភូមិអានយ៉ាងឲ្យកាន់តែអភិវឌ្ឍន៍ និងសម្បូធូធា៕
ប្រែ៖ ណារីពៅ
