ព្រឹកថ្ងៃទី ២៦ ឧសភា នៅសង្កាត់ ទិញបៀន លោក ង្វៀនហុងឌឹក លេខាបក្ខភាគទីរួមខេត្តទិញបៀន -គណៈប្រតិភូក្រុមប្រឹក្សាប្រជាជនខេត្ត រួមជាមួយគណៈប្រតិភូក្រុមប្រឹក្សាប្រជាជនពីរថ្នាក់បានជួបប្រាស្រ័យជាមួយអ្នកបោះឆ្នោតជិត ១០០ នាក់នៅសង្កាត់ទិញបៀន អានភូ និងឃុំអានណុង មុនសម័យប្រជុំពាក់កណ្តាលឆ្នាំ ២០២៥ នីតិកាល ១៣ អាណត្តិ ២០២១ - ២០២៦។
នៅក្នុងកិច្ចជួប្រាស្រ័យ អ្នកបោះឆ្នោតមូលដ្ឋានត្រូវបានគណៈប្រតិភូក្រុមប្រឹក្សាប្រជាជន ពីរថ្នាក់រាយការណ៍សង្ខេបអំពីស្ថានភាពសេដ្ឋកិច្ចសង្គមរបស់ខេត្ត និងទីរួមខេត្តទិញបៀន ក្នុងរយៈពេល ៦ ខែដំបូងនៃឆ្នាំ ២០២៥។ ផែនការរៀបចំកិច្ចប្រជុំពាក់កណ្តាលឆ្នាំ ២០២៥ និងឆ្លើយតបមតិ និងអនុសាសន៍របស់អ្នកបោះឆ្នោតដែលបានលើកឡើងនៅក្នុងកិច្ចជួបប្រាស្រ័យលើកមុន។
យោងតាមនោះ ក្នុងរយៈពេល៦ខែដើមឆ្នាំ២០២៥ ស្ថានភាពសេដ្ឋកិច្ចសង្គមក្នុងខេត្តមានការរីកចម្រើនជាវិជ្ជមាន ដោយផ្នែក និងវិស័យជាច្រើនមានកំណើនខ្ពស់បើធៀបនឹងដំណាលពេលនេះឆាំ្នមុន។ តាមការសន្និដ្ឋាន GRDP កើនឡើង ៨,៥១% ធៀបនឹងដំណាលពេលនេះឆ្នាំ ២០២៤។ ក្នុងនោះ វិស័យកសិកម្ម រុក្ខកម្ម និងជលផល កើនឡើង ៤,១៦% តំបន់ឧស្សាហកម្ម និងស្ថាបនកម្មកើនឡើង ១១,៥៦% តំបន់សេវាកម្មកើនឡើង ១០,៨២% និងពន្ធផលិតផលដកប្រាក់ឧបត្ថម្ភផលិតផលកើនឡើង ៦%។
តាមរយៈនោះ អ្នកបោះឆ្នោតបានសម្តែងនូវភាពរីករាយនិងរំភើប ជាមួយនឹងលទ្ធផលវិជ្ជមានដែលសម្រេចបានក្នុងខែដំបូងនៃឆ្នាំ ២០២៥។ទន្ទឹមនឹងនោះ អ្នកបោះឆ្នោតបានផ្តល់អនុសាសន៍ដល់គណៈប្រតិភូក្រុមប្រឹក្សាប្រជាជនគ្រប់លំដាប់ថ្នាក់ឲ្យបន្តយកចិត្តទុកដាក់ និងស្នើផ្នែកមានសមត្ថកិច្ចឲ្យមានដំណោះស្រាយបង្កើតឡើងវិញសណ្តាប់ធ្នាប់ និងធានាសន្តិសុខនៅតំបន់ផ្សារទិញបៀន។ យកចិត្តទុកដាក់លើការពន្លឿនការកែលម្អ និងលើកកម្ពស់ផ្លូវនៅតំបន់ផ្សារទិញបៀន និងផ្សារលក់ទំនិញទិញបៀន ដើម្បី កាត់បន្ថយផលប៉ះពាល់ដល់សកម្មភាពអាជីវកម្មសម្រាប់អាជីវករតូចតាច។ល។
គណៈប្រតិភូក្រុមប្រឹក្សាប្រជាជនខេត្ត និងទីរួមខេត្តបានកត់ត្រាទទួលស្គាល់ និងពន្យល់អំពីមតិ និងអនុសាសន៍របស់អ្នកបោះឆ្នោតក្នុងដែនសមត្ថកិច្ចរបស់ខ្លួន។ទន្ទឹមនិងនោះ សំណូមពរថ្នាក់ដឹកនាំ អាជ្ញាធរមូលដ្ឋាន និងផ្នែកពាក់ព័ន្ធ មេត្តាទាក់ទងទៅអង្គភាពសាងសង់ឲ្យបានឆាប់ ដើម្បីដោះស្រាយបញ្ហាពាក់ព័ន្ធនានា ដែលអ្នកបោះឆ្នោតយកចិត្តទុកដាក់ និងផ្តល់អនុសាសន៍ក្នុងកិច្ចជួប្រាស្រ័យនេះ៕
ប្រែ៖ ណារីពៅ
