https://rr88games.com/vi/chi-tiet-cbck?nid=6622&gidzl=Ek6o1MLLX4qw_hCAOKY4IJxvkWn_Ijv9SVox2InCZafo-kvUVXpV5oJzxWHyJDqNT_suKJXlXGPmPrUCHG&gidzl=6PzYUh4LAreTX6LyjmWhNXY6Otke22rVKzKsTgmBA0O6ZM9q-WOhKWQ9CYAeK7q20erd8ZIUltyHjXKhNG
ជាក់ស្តែង ម៉ាស៊ីនចម្រោះទឹកចំនួន ៤គ្រឿង បានប្រគល់ជូនអនុវិទ្យាល័យ ដនមិញហ្វៀន សង្កាត់ធើយសឺន។ អនុវិទ្យាល័យ លេហុងផុង សង្កាត់ញ៉ាបាង ទីរួមស្រុកទិញបៀន។ សាលាបឋមសិក្សាឃុំលេទ្រី (សាលាសាខា) និងអនុវិទ្យាល័យអានទឹក ស្រុកទ្រីតូន។
ម៉ាស៊ីននីមួយៗមានតម្លៃ ២៥ លានដុង មានពលានុភាព ៨០លីត្រក្នុងមួយម៉ោង បានរចនាឡើងដោយរ៉ូប៊ីនេទឹកចំនួន ៥ គុណភាពទឹកបន្ទាប់ពីចម្រោះសម្រេចស្តង់ដារជាតិនៃក្រុម A សម្រាប់ទឹករ៉ែធម្មជាតិ និងទឹកពិសាដប។ ថវិកាសរុបចំនួន ១០០ លានដុងអាស្រ័យដោយលេខាបក្ខភាគស្រុក និងជាប្រធានក្រុមប្រឹក្សាប្រជាជនស្រុកទ្រីតូនបំផុសចលនាសិប្បករឆ្នើម ង្វៀនហុង នៅខ័ណ្ឌ ងូហាញ់សឺន ទីក្រុងដាណាំងឧបត្ថម្ភ។
សាលារៀនទាំង ៤ ដែលទទួលបានម៉ាស៊ីនចម្រោះទឹកនាពេលនេះ ស្ថិតក្នុងតំបន់លំបាកពិសេស តំបន់ជនជាតិភាគតិចខ្មែរ និងមិនទាន់មានប្រព័ន្ធទឹកស្អាតសម្រាប់បម្រើដល់សិស្សានុសិស្ស។
ថ្លែងមតិក្នុងពិធីប្រគល់នេះ លោក កាវក្វាងលីម លេខាបក្ខភាគស្រុក និងជាប្រធានក្រុមប្រឹក្សាប្រជាជនស្រុក ទ្រីតូនសង្ឃឹមថា គណនាយកនៃសាលាទាំង ៤ នឹងប្រើប្រាស់ម៉ាស៊ីនចម្រោះទឹកមានប្រសិទ្ឋភាពនិងយូរអង្វែង។ ទន្ទឹមនឹងនោះ សង្ឃឹមថា អាជ្ញាធរមូលដ្ឋាននឹងបន្តយកចិត្តទុកដាក់គាំទ្រការវិនិយោគលើមូលដ្ឋានសម្ភារៈនិងបរិក្ខាដើម្បីធានានូវការសិក្សានិងការរស់នៅរបស់កុមារនៅតំបន់ជនជាតិភាគតិច លើកកម្ពស់គុណភាពអប់រំនិងកសាងឥតឈប់ឈរ ហើយរក្សាសាលាសម្រេចបានស្តង់ដារជាតិ។
ក្នុងឱកាសនេះ លោកលេខាបក្ខភាគស្រុក និងជាប្រធានក្រុមប្រឹក្សាប្រជាជនស្រុកទ្រីតូន ក៏បានជូនអំណោយឧបត្ថម្ភដល់សកម្មភាពសហជីពមូលដ្ឋាននៃអនុវិទ្យាល័យដនមិញហ្វៀន និងអនុវិទ្យាល័យលេហុងផុង៕
ប្រែ៖ ណារីពៅ
