ថ្ងៃទី ២១ មេសា គណៈប្រតិភូក្រុមប្រឹក្សាជនជាតិនៃរដ្ឋសភា ដឹកនាំដោយលោក ង្វៀនឡាំថាញ់ អនុប្រធានក្រុមប្រឹក្សាជនជាតិនៃរដ្ឋសភា បានមកពិនិ្យជាក់ស្តែងនិងវាយតម្លៃលទ្ធផលផ្សព្វផ្សាយអនុវត្តកម្មវិធីគោលដៅជាតិស្តីពីការអភិវឌ្ឍន៍សេដ្ឋកិច្ចសង្គមនៅតំបន់ជនជាតិភាគតិច និងតំបន់ភ្នំ (កម្មវិធី) ដំណាក់កាល ២០២១-២០៣០។ ដំណាក់កាលទី១៖ ពីឆ្នាំ ២០២១ ដល់ឆ្នាំ ២០២៥ នៅទីរួមខេត្តទិញបៀន។
ក្នុងដំណាក់កាលឆ្នាំ ២០២១-២០២៤ គណៈកម្មាធិការប្រជាជនទីរួមខេត្តទិញបៀន បានបែងចែកដើមទុនវិនិយោគសាធារណៈចំនួន ៤៨.២៩៦ ពាន់លានដុង ដើម្បីអនុវត្តគម្រោងឧបត្ថម្ភដីស្នាក់នៅ លំនៅដ្ឋាន ដីផលិតកម្ម និងទឹកប្រើប្រាស់សម្រាប់ជនជាតិភាគតិច និងតំបន់ភ្នំ រួមជាមួយនឹងគម្រោងវិនិយោគហេដ្ឋារចនាសម្ព័ន្ធ។ ជាក់ស្តែង បំពាក់បំពង់ផ្គត់ផ្គង់ទឹកចំនួន ៦ខ្សែ ឧបត្ថម្ភផ្ទះ ១៣៤ខ្នងឲ្យ ១៣៤គ្រួសារ ឧបត្ថម្ភដីនិងផ្ទះចំនួន ១៧គ្រួសារ។ផ្សព្វផ្សាយសំណង់ចរាចរណ៍ជនបទចំនួន១២ សាងសង់ថ្មី និងជួសជុលសាលារៀន ដោយមានដើមទុនពីថវិការដ្ឋជាសរុបជាង ២៩,៣ពាន់លានដុង។ គណៈកម្មាធិការប្រជាជនទីរួមខេត្តទិញបៀនក៏ផ្តល់ថវិកាចំនួន ៧.៧៨៨ ពាន់លានដុងពីប្រភពទុនបុព្វហេតុសម្រាប់គម្រោងនានាស្ថិតក្នុងកម្មវិធី។
គណៈកម្មាធិការប្រជាជនទីរួមខេត្តទិញបៀន បានសំណូមពរមជ្ឈិមឲ្យពិនិត្យឡើងវិញ និងកែសម្រួលកម្មវិធីគោលដៅជាតិឲ្យវាសមស្របទៅនឹងលក្ខណៈតំបន់នីមួយៗ ប្រកាសប្រើឲ្យបានឆាប់ និងផ្តល់ការណែនាំឲ្យបានស្របគ្នាដើម្បីអនុវត្តមានប្រសិទ្ធភាព។
ថ្លែងមតិនៅក្នុងកិច្ចប្រជុំ លោក ង្វៀនឡាំថាញ់អនុប្រធានក្រុមប្រឹក្សាជនជាតិនៃរដ្ឋសភា បានវាយតម្លៃខ្ពស់ចំពោះលទ្ធផលដែលទីរួមខេត្តទិញបៀន សម្រេចបាននាពេលកន្លង។ ទន្ទឹមនិងនោះ ក៏ស្នើមូលដ្ឋានឲ្យបន្តខិតខំប្រឹងប្រែង និងប្រើប្រាស់ប្រភពទុន យន្តការ គោលនយោបាយទាំងអស់ ដើម្បីអនុវត្តកម្មវិធីឲ្យមានប្រសិទ្ធភាព។ មានវិធានការជម្នះការលំបាក និងឧបសគ្គនានា ដើម្បីជួយជនជាតិភាគតិចនៅមូលដ្ឋាន ទទួលបានគោលនយោបាយពីកម្មវិធីដើម្បីលើកកម្ពស់ជីវភាពរស់នៅ៕
ប្រែ៖ ណារីពៅ
