នៅព្រឹកថ្ងៃទី៩ ខែមិថុនា គណៈកម្មាធិការប្រជាជនខេត្តបានបើកកិច្ចប្រជុំឯកទេសកម្មដើម្បីអនុម័តសមាជិកគណៈកម្មាធិការប្រជាជនខេត្តស្តីពីខ្លឹមសារស្ថិតក្រោមសមត្ថកិច្ចនៃសេចក្តីសម្រេចចិត្តរបស់គណៈកម្មាធិការប្រជាជនខេត្ត តាមរយៈគណៈអចិន្ត្រៃយ៍បក្ខភាគនៃគណកម្មាធិការប្រជាជនខេត្តអានយ៉ាង។ លោក ហូវ៉ាន់ម៉ឹង សមាជិកបម្រុងនៃគណៈកម្មាធិការមជ្ឈិមបក្ស អនុលេខាបក្ខភាគខេត្ត ប្រធានគណៈកម្មាធិការប្រជាជនខេត្តអានយ៉ាង ធ្វើអធិបតីភាពកិច្ចប្រជុំ។ លោក លេវ៉ាន់ភឿក លោកស្រី ង្វៀនធីមិញធ្វី លោក ងោកុងធឹក អនុប្រធានគណៈកម្មាធិការប្រជាជនខេត្តអានយ៉ាង រួមជាមួយថ្នាក់ដឹកនាំអង្គភាព មន្ទីរ ផ្នែកមូលដ្ឋាន ចូលរួម។
នៅក្នុងកិច្ចប្រជុំ មន្ទីរ ផ្នែក និងមូលដ្ឋាននានាបានបង្ហាញពីសេចក្តីព្រាងបទជម្រាបរបស់គណៈកម្មាធិការប្រជាជនខេត្ត និងសេចក្តីព្រាងសេចក្តីសម្រេចចិត្តរបស់ក្រុមប្រឹក្សាប្រជាជនខេត្ត អនុម័តលើ ការទូទាត់ចំណូលថវិការដ្ឋនៅក្នុងភូមិសាស្ត្រ និងចំណូល ចំណាយថវិកាមូលដ្ឋានក្នុងឆ្នាំ២០២៤។មន្ទីរវប្បធម៌ កីឡា និងទេសចរណ៍បានរាយការណ៍អំពីការងារត្រៀមបម្រុងរៀបចំកិច្ចប្រជុំក្នុងឱកាសខួបលើកទី ១០០ ឆាំ្នទិវាសារព័ត៌មានវៀតណាម និងបញ្ហាសំខាន់ៗផ្សេងទៀត។ បន្ទាប់ពីពិនិត្យរួច សមាជិកគណៈកម្មាធិការប្រជាជនខេត្ត មន្ទីរ ផ្នែកនិងមូលដ្ឋានបានផ្តល់មតិយោបល់ និងអនុម័ត្រជាឯកច្ឆ័ន្ទ។
ថ្លែងមតិបញ្ចប់ខ្លឹមសារនីមួយៗ លោក ហូវ៉ាន់ម៉ឹង ប្រធានគណៈកម្មាធិការប្រជាជនខេត្តអានយ៉ាង បានស្នើឲ្យមន្ទីរ ផ្នែក និងមូលដ្ឋានដែលបានគណៈកម្មាធិការប្រជាជនខេត្តចាត់តាំងត្រូវទទួលខុសត្រូវលើការចងក្រងខ្លឹមសារ កត់ត្រាទទួលស្គាល់ និងទទួលយកទាំងស្រុងនូវមតិយោបល់ក្នុងកិច្ចប្រជុំ កែសម្រួល បំពេញ បន្ថែម ឲ្យបានទាន់ពេលវេលា ហើយបន្តដាក់ជូនគណៈកម្មាធិការប្រជាជនខេត្តពិនិត្យ ដើម្បីចេញឯកសារសមស្រប។ តាមរយៈនោះ រួមចំណែកក្នុងការចាត់ចែងនិងអនុវត្តភារកិច្ចអភិវឌ្ឍន៍សេដ្ឋកិច្ចសង្គមនៅលើភូមិសាស្ត្រខេត្តនាពេលខាងមុខ៕
ប្រែ៖ ណារីពៅ
