ថ្ងៃទី ១៧ កក្កដា លោក ឡេវ៉ាន់ភឿក អនុប្រធានគណៈកម្មាធិការប្រជាជនខេត្តអានយ៉ាង រួមជាមួយគណៈប្រតិភូបានអញ្ជើញទៅសួរសុខទុក្ខ និងជូនអំណោយដល់គ្រួសារគោលនយោបាយ និងអ្នកមានសគុណចំពោះបដិវត្តន៍គំរូ ក្នុងឱកាសរម្លឹកខួបលើកទី ៧៨ ឆាំ្នទិវាយុទ្ធជនពិការ និងយុទ្ធជនពលី (២៧ កក្កដា ១៩៤៧ - ២៧ កក្កដា ២០២៥)។
ជាក់ស្តែង គណៈប្រតិភូបានទៅសួរសុខទុក្ខគ្រួសារលោក ង្វៀនវ៉ាន់ទៀ ឡេហ៊ូវហ្វា (ឃុំនុយកាំ) ហ្វិញវ៉ាន់មិញ ង៉ោវ៉ាន់ញ៉ុត (សង្កាត់ទីញបៀន)។ នៅកន្លែងទៅកាន់នីមួយៗ លោក ឡេវ៉ាន់ភឿក អនុប្រធានគណៈកម្មាធិការប្រជាជនខេត្ត បានសួរសុខទុក្ខពីជីវភាព និងសុខភាពគ្រួសារគោលនយោបាយ និងយុទ្ធជនពិការយ៉ាងកក់ក្តៅ។ តាមរយៈនេះ បក្ស រដ្ឋ និងអាជ្ញាធរគ្រប់លំដាប់ថ្នាក់តែងតែកត់ត្រាទទួលស្គាល់ និងដឹងគុណចំពោះការរួមចំណែកដ៏ធំធេងរបស់វីរភាព និងយុទ្ធជនពលីដើម្បីបុព្វតស៊ូរំដោះជនជាតិ និងបង្រួបបង្រួមជាតិ។
តាងនាមបក្ខភាគខេត្ត ក្រុមប្រឹក្សាប្រជាជន គណៈកម្មាធិការប្រជាជន និងគណៈកម្មាធិការរណសិរ្សមាតុភូមិវៀតណាមខេត្ត លោក ឡេវ៉ាន់ភឿក អនុប្រធានគណៈកម្មាធិការប្រជាជនខេត្ត បានជូនពរបណ្តាគ្រួសារគោលនយោបាយ និងអ្នកមានគុណមានសុខភាពល្អ បន្តពង្រីកនូវស្មារតីបដិវត្តន៍ និងជាគំរូដ៏ភ្លឺស្វាងនៃស្មារតីស្នេហាជាតិសម្រាប់កូនចៅជំនាន់ក្រោយ។
ទន្ទឹមនឹងនោះ លោក ឡេវ៉ាន់ភឿក អនុប្រធានគណៈកម្មាធិការប្រជាជនខេត្ត ក៏បានស្នើ បក្ខភាគ គណៈកម្មាធិការប្រជាជនឃុំនុយកាំ និងសង្កាត់ទីញបៀន ជានិច្ចកាលយកចិត្តទុកដាក់ និងថែទាំជីវភាព គ្រួសារគោលនយោបាយ និងអ្នកមានគុណ ហើយអនុវត្តបានត្រឹមត្រូវនូវគន្លងធម៌ “ផឹកទឹកនឹកប្រភព” និង “តបស្នងសងគុណ” របស់ជនជាតិវៀតណាម៕
ប្រែ៖ ណារីពៅ
