ព្រឹកថ្ងៃ ១៥ ខែមីនា មជ្ឈមណ្ឌលព័ត៌មាន-សកលវិទ្យាល័យអានយ៉ាង - សកលវិទ្យាល័យជាតិទីក្រុងហូជីមិញ បានរៀបចំវគ្គបណ្តុះបណ្តាលអំពីទម្រង់ផ្លាស់ប្តូរឌីជីថលក្នុងវិស័យកសិកម្ម អនុវត្តបញ្ញាសិប្បនិម្មិត (AI) ក្នុងការងារនិងអាជីវកម្ម។ វគ្គបណ្តុះបណ្តាលបានទាក់ទាញការចូលរួមពីធុរកិច្ចជាង ៤០ ដែលកំពុងធ្វើសកម្មភាពក្នុងវិស័យកសិកម្មនៅក្នុងខេត្ត។
អញ្ជើញចូលរួមពិធីបើកវគ្គបណ្តុះបណ្តាលមានលោក ង្វៀនថាញហៃ អនុប្រធានមន្ទីរវិទ្យាសាស្ត្រ និងបច្ចេកវិជ្ជា។ លោក ដាវថាញ់ហ្វ័ង អនុប្រធានសហព័ន្ឋសមាគមន៍វិទ្យាសាស្ត្រ និងបច្ចេកវិជ្ជាខេត្ត។ លោកស្រី ង្វៀនធីគីមជី អនុប្រធានអចិន្ត្រៃសហសមាគមធុរកិច្ចខេត្ត។ លោកសាស្ត្រាចារ្យរង.បណ្ឌិត ដនថាញងី - ប្រធានផ្នែកបច្ចកវិជ្ជាព័ត៌មានវិទ្យា ប្រធានមជ្ឈមណ្ឌលព័ត៌មានវិទ្យា នៃសកលវិទ្យាល័យអានយ៉ាង។
ខ្លឹមសារនៃវគ្គបណ្តុះបណ្តាលរួមមានប្រធានបទ ៖បណ្តុះបណ្តាលទ្រង់ផ្លាស់ប្តូរឌីជីថលក្នុងវិស័យកសិកម្ម ណែនាំទម្រង់ផ្លាស់ប្តូរឌីជីថលរបស់ក្រុមហ៊ុនឯកបុគ្គលទទួលខុសត្រូវមានកម្រិតនិងសេវាកម្ម ថៃមិញង្វៀន។អនុវត្តបញ្ញាសិប្បនិម្មិត (AI) ក្នុងការងារ និងអាជីវកម្ម។ដំណោះស្រាយផ្លាស់ប្តូរឌីជីថលសម្រាប់ធុរកិច្ចក្នុងវិស័យកសិកម្ម។
គោលដៅនៃវគ្គបណ្តុះបណ្តាលនេះគឺដើម្បីបង្កើតលក្ខខណ្ឌសម្រាប់ធុរកិច្ចតូច និងល្មម មូលដ្ឋានផលិតកម្មអាជីវកម្ម និងសហករណ៍ក្នុងខេត្ត ទទួលបានទម្រង់ផ្លាស់ប្តូរឌីជីថលសមស្របក្នុងវិស័យកសិកម្ម។ ទន្ទឹមនឹងនោះ វគ្គសិក្សាក៏ជួយឲ្យធុរកិច្ចយល់ និងអនុវត្តឧបករណ៍ AI ទៅក្នុងការផលិតកម្មអាជីវកម្មជាក់ស្តែងដោយប្រសិទ្ឋភាព និងបង្កើនប្រសិទ្ធភាពធ្វើសកម្មភាព និងអភិវឌ្ឍន៍ដោយនិរន្តរភាពក្នុងយុគសម័យឌីជីថល។
កម្មវិធីបណ្តុះបណ្តាលនេះអាស្រ័ងដោយក្រុមស្រាវជ្រាវសារណាសហការជាមួយមជ្ឈមណ្ឌលព័ត៌មានវិទ្យា - សកលវិទ្យាល័យអានយ៉ាង រៀបចំឡើង ក្នុងគោលបំណងលើកកម្ពស់សមត្ថភាពសម្រាប់ជួរកម្មាភិបាលនិងធុរកិច្ចកសិកម្ម៕
ប្រ៖ ណារីពៅ
