ថ្ងៃទី ១១ វិច្ឆិកា វិជ្ជាឋានអយ្យការប្រជាជនខេត្តអានយ៉ាង បានសហការជាមួយគណៈកម្មាធិការរណសិរ្សមាតុភូមិវៀតណាមសង្កាត់ទិញបៀន ប្រគល់ប័ណ្ណធានារ៉ាប់រងសុខភាពចំនួន ១៥៥ ជូនដល់សិស្សានុសិស្ស និងប្រជាជនជួបការលំបាកនៅក្នុងសង្កាត់។ អញ្ជើញចូលរួម លោក ង៉ោង៉ុកភុក សមាជិកគណៈកម្មាធិការបក្សខេត្ត ប្រធានវិជ្ជាឋានអយ្យការប្រជាជនខេត្ត។ លោក ទ្រិញវ៉ាន់ឌេ អនុលេខាប្រចាំការគណៈកម្មាធិការបក្សសង្កាត់។

ព្រឹកថ្ងៃទី ៧ វិច្ឆិកា មន្ទីរវិទ្យាសាស្ត្រនិងបច្ចេកវិជ្ជាខេត្តអានយ៉ាង សហការជាមួយការិយាល័យតំណាងនាយកដ្ឋានកម្មសិទ្ធិបញ្ញាជាតិទីក្រុងហូជីមិញ វិទ្យាស្ថានអភិវឌ្ឍអាជីវកម្ម - សហព័ន្ធពាណិជ្ជកម្ម និងឧស្សាហកម្មវៀតណាម (VCCI) រៀបចំសន្និបាតហ្វឹកហ្វឺនស្តីពី “ការលើកកម្ពស់ប្រកួតប្រជែងតាមរយៈកម្មសិទ្ធិបញ្ញា និងវិធានការបច្ចេកវិជ្ជាទប់ស្កាត់ទំនិញក្លែងក្លាយ”។

ចាប់ពីថ្ងៃទី ២៥ ខែតុលា ដល់ថ្ងៃទី ៤ ខែវិច្ឆិកា ឆ្នាំ ២០២៥ នៅមជ្ឈមណ្ឌលផ្សារណាត់វៀតណាម (ទីក្រុងហាណូយ) ខេត្តអានយ៉ាង បានចូលរួមផ្សារណាត់រដូវរងារឆ្នាំ ២០២៥ លើកទីមួយ ដើម្បីផ្សព្វផ្សាយសក្តានុភាព និងប្រៀបខ្លាំងទៅអង្គការ និងអាជីវកម្មក្នុងនិងក្រៅប្រទេស។

ថ្ងៃទី ២៨ ខែតុលា អ្នកស្រី ង្វៀនធីមិញធ្វី អនុប្រធានគណៈកម្មាធិការប្រជាជនខេត្ត - ប្រធានអនុគណៈកម្មការបណ្តុះបណ្តាលធនធានមនុស្សបានអធិបតីកិច្ចប្រជុំអនុគណៈកម្មការបណ្តុះបណ្តាលធនធានមនុស្សក្រោមគណៈកម្មការណែនាំខេត្ត ដើម្បីរៀបចំសន្និបាតនិងធ្វើសកម្មភាពនៃឆ្នាំ APEC ២០២៧ នៅតំបន់ពិសេសភូក្វុក ខេត្តអានយ៉ាង។

នៅក្នុងរដូវទឹកឡើង ភូមិរបរលបអន្ទង់ (ឃុំកាន់ដាំង) កាន់តែអ៊ូអរ ខណៈដែលមូលដ្ឋានធ្វើសកម្មភាពអស់ពីពលានុភាព ដើម្បីផ្គត់ផ្គង់លបអន្ទង់ដល់អាជីវករនៅតាមខេត្ត ក្រុងក្នុងបន់វាលរាបទន្លេគឺវឡុង។

ថ្ងៃទី ២៨ ខែតុលា សម្ព័ន្ឋក្រុមហ៊ុនភាគហ៊ុនឡុកត្រើយ បានរៀបចំសិក្ខាសាលាវិទ្យាសាស្ត្រស្តីពី "វប្បកម្មស្រូវក្នុងទិសដៅចីរភាព និងកាត់បន្ថយការបំភាយឧស្ម័ន"។ នេះជាសកម្មភាពក្នុងក្របខណ្ឌព្រឹត្តិការណ៍ Mini Expo ឆាំ្ន ២០២៥ ក្រោមប្រធានបទ "ពីបច្ចេកវិជ្ជាដល់ការអនុវត្តជាក់ស្តែង - ដំណោះស្រាយវប្បកម្មទូលំទូលាយសម្រាប់ដំណាំ"។ អញ្ជើញចូលរួមសិក្ខាសាលានេះមានលោកសាស្ត្រាចារ្យរង.បណ្ឌិត ឡេក្វុកថាញ នាយកមជ្ឈមណ្ឌលជំរឿនកសិកម្មជាតិនិងលោក ឡេហ៊ូតន នាយកមន្ទីរកសិកម្ម និងបរិស្ថានខេត្តអានយ៉ាង។

ថ្ងៃទី ១៨ ខែតុលា គណៈកម្មាធិការប្រជាជនខេត្ត បានសហការជាមួយសកលវិទ្យាល័យសេដ្ឋកិច្ចទីក្រុងហូជីមិញ រៀបចំពិធីចុះហត្ថលេខាលើកិច្ចសហប្រតិបត្តិការរវាងគណៈកម្មាធិការប្រជាជនខេត្តអានយ៉ាង និងសកលវិទ្យាល័យសេដ្ឋកិច្ចទីក្រុងហូជីមិញ ដំណាក់កាល ២០២៥ - ២០៣០។ សន្និបាតសហអធិបតីដោយលោក ហូវ៉ាន់ម៉ឹង សមាជិកបម្រុងគណៈកម្មាធិការមជ្ឈិមបក្ស អនុលេខាគណៈកម្មាធិការបក្សខេត្ត ប្រធានគណៈកម្មាធិការប្រជាជនខេត្តអានយ៉ាងនិងលោកសាស្រ្តាចារ្យ.បណ្ឌិត ស៊ឺឌិញថាញ់ - នាយកសកលវិទ្យាល័យសេដ្ឋកិច្ចទីក្រុងហូជីមិញ។

យប់ថ្ងៃទី១៨ ខែតុលា នៅតំបន់ទីក្រុង Golden City សង្កាត់ឡុងស្វៀន មជ្ឈមណ្ឌលជំរុញវិនិយោគ ពាណិជ្ជកម្ម និងទេសចរណ៍ខេត្តអានយ៉ាងបានរៀបចំពិធីបើកពិធីបុណ្យនំប្រជាប្រិយភាគខាងត្បូង - អានយ៉ាង រួមបញ្ចូលនឹងផ្សារណាត់ជំរុញទេសចរណ៍ ពាណិជ្ជកម្ម និងផលិតផល OCOP លើកទី២ ឆ្នាំ២០២៥ ក្រោមប្រធានបទ “សម្រស់ពិដោរអានយ៉ាង”។

រសៀលថ្ងៃទី១៣ ខែតុលា មជ្ឈមណ្ឌលជំរុញវិនិយោគ ពាណិជ្ជកម្ម និងទេសចរណ៍ខេត្តអានយ៉ាង បានបើកកិច្ចជំនួបអាជីវកម្មឆ្នាំ ២០២៥ ក្នុងឱកាសទិវាអាជីវករវៀតណាម (១៣ តុលា)។

បញ្ចប់ពានរង្វាន់ជើងឯកកីឡាកាយវប្បកម្មថ្នាក់ជាតិឆ្នាំ២០២៥ ក្រុមកីឡាកាយវប្បកម្មខេត្តអានយ៉ាងដណ្ដើមបានមេដាយមាស៤គ្រឿង ប្រាក់៥គ្រឿង សំរឹទ្ធ១គ្រឿង រៀបចំណាត់ថ្នាក់លេខ៣ ក្រុមនារី និងចំណាត់ថ្នាក់លេខ៣ ទូទាំងក្រុម។

រសៀលថ្ងៃទី៧ ខែតុលា ក្នុងក្របខ័ណ្ឌនៃដំណើរបំពេញទស្សនកិច្ចនៅព្រះរាជាណាចក្រកម្ពុជា គណៈប្រតិភូខេត្តអានយ៉ាង ដឹកនាំដោយលោក ឡេទ្រុងហូ អនុប្រធានគណៈកម្មាធិការប្រជាជនខេត្ត - ប្រធានគណៈកម្មាធិការជំនាញខេត្ត បានអញ្ជើញទៅបំពេញទស្សនកិច្ចនៅស្ថានអគ្គកុងស៊ុលវៀតណាមប្រចាំនៅខេត្តព្រះសីហនុ។

មហាសន្និបាតតំណាងបក្ខភាគខេត្តអានយ៉ាងលើកទី ១ អាណត្តិ ២០២៥ - ២០៣០ បានប្រព្រឹត្តទៅដោយជោគជ័យ។ មហាសន្និបាតប្រព្រឹត្តទៅក្នុងរយៈពេលត្រឹមតែមួយថ្ងៃកន្លះថ្ងៃប៉ុណ្ណោះ ប៉ុន្តែបានបង្កើតជាបញ្ញាសមូហភាព ខិតខំប្រឹងប្រែង និងស្មារតីទំនួលខុសត្រូវរបស់តំណាងនីមួយៗ អង្គការនីមួយៗ និងបុគ្គលពាក់ព័ន្ធនីមួយៗ។ ពីនោះ ក្រឡេកមើលវិញការវាយតម្លៃទាំងស្រុងនៅអាណត្តិចាស់ខណៈដែលនៅជាខេត្តអានយ៉ាងនិងអានយ៉ាងដាច់ដោយឡែក។ ដាក់ចេញទិសដៅអភិវឌ្ឍសម្រាប់ “អានយ៉ាងមួយ” បន្ទាប់ពីការរួមបញ្ចូលគ្នា ដើម្បីឈានចូលយុគសម័យថ្មីយ៉ាងរឹងមាំ។

ព្រឹកថ្ងៃទី ៣ ខែតុលា នៅសង្កាត់ រ៉ាច់យ៉ា មហាសន្និបាតតំណាងបក្ខភាគខេត្តលើកទី ១ អាណត្តិ ២០២៥ - ២០៣០ បានបើកជាផ្លូវការក្នុងបរិយាកាសរីករាយ និងពេញក្តីសង្ឃឹម។

រសៀលថ្ងៃទី ២ តុលា នៅមជ្ឈមណ្ឌលវប្បធម៌ សិល្បៈអានយ៉ាង សង្កាត់រ៉ាច់យ៉ា ខេត្តអានយ៉ាង បានបើកតាំងពិព័រណ៍សមិទ្ធិផលសេដ្ឋកិច្ចសង្គមរបស់ខេត្ត ដើម្បីអបអរសាទរមហាសន្និបាតបក្ខភាគខេត្តលើកទី ១ អាណត្តិ ២០២៥ - ២០៣០ ឆ្ពោះទៅកាន់មហាសន្និបាតតំណាងទូទាំងប្រទេសលើកទី ១៤ របស់បក្ស។

រសៀលថ្ងៃទី ២ តុលា នៅសាលប្រជុំមជ្ឈមណ្ឌលវប្បធម៌ សិល្បះខេត្តអានយ៉ាង មហាសន្និបាតតំណាងបក្ខភាគខេត្តអានយ៉ាងលើកទី ១ អាណត្តិ ២០២៥-២០៣០ បានបើកសម័យប្រជុំបម្រុង។ អញ្ជើញចូលរួមសម័យប្រជុំបម្រុងមានលោក ឡេហុងក្វាង សមាជិកគណៈកម្មាធិការមជ្ឈិមបក្ស អនុប្រធានគណៈកិច្ចការផ្ទៃក្នុងមជ្ឈិម អតីតលេខាគណៈកម្មាធិការបក្សខេត្តអានយ៉ាង។

ព្រឹកថ្ងៃទី ២ តុលា មុនពេលឈានចូលសម័យប្រជុំបម្រុងមហាសន្និបាតបក្ខភាគខេត្តលើកទី ១ អាណត្តិ ២០២៥ - ២០៣០ គណៈអចិន្ត្រៃយ៍នៃគណៈកម្មាធិការបក្សខេត្តអានយ៉ាង ដឹកនាំដោយលោក ង្វៀនទៀនហៃ សមាជិកមជ្ឈិមបក្ស លេខាគណកម្មាធិការបក្សខេត្ត បានអញ្ជើញអុជធូបរម្លឹកវិញ្ញាណក្ខន្ធវីរបុរសជាតិ ង្វៀនទ្រុងទ្រឹក នៅកេរដំដែលប្រវត្តិសាស្ត្រវប្បធម៌ផ្នូនិងឌិញ ង្វៀនទ្រុងទ្រឹក (សង្កាត់រ៉ាច់យ៉ា)។

ព្រឹកថ្ងៃទី ៣០ ខែកញ្ញា គណៈកម្មាធិការប្រជាជនខេត្តអានយ៉ាង បានប្រារព្ធពិធីបើកការដ្ឋានសាងសង់គម្រោងស្ពានលើផ្លូវមាត់សមុទ្ទតភ្ជាប់អានបៀន - រ៉ាច់យ៉ា (បច្ចុប្បន្ននេះជាឃុំ តៃអៀន - សង្កាត់ រ៉ាច់យ៉ា)។ នេះជាសំណង់ស្វាគមន៍មហាសន្និបាតបក្សខេត្តអានយ៉ាងលើកទី ១ អាណត្តិ ២០២៥ - ២០៣០ ឆ្ពោះទៅដល់មហាសន្និបាតទូទាំងប្រទេសលើកទី ១៤ របស់បក្ស។

ភាពខ្លាំងរបស់ផលិតផល OCOP មិនមែនកើតចេញពីភាពជាបុគ្គលទេ ប៉ុន្តែមកពីខ្សែចង្វាក់រួមគ្នាកសាងមូលដ្ឋានដើម្បីផលិតផលបង្កើនតម្លៃ និងកម្លាំងប្រកួតប្រជែងនៅក្នុងទីផ្សារ។ នេះគឺជាស្មារតីបានសង្កត់ធ្ងន់នៅក្នុងព្រឹត្តិការណ៍ជាច្រើនដែលប្រព្រឹត្តទៅក្នុងរយៈពេល ៤ថ្ងៃនៃវេទិកាតភ្ជាប់ផលិតផល OCOP តំបន់វាលរាបទន្លេគឺវឡុងនៅខេត្តអានយ៉ាង (ថ្ងៃទី ២៥-២៨ ខែកញ្ញា)។ ក្នុងនាមជាខេត្តម្ចាស់ផ្ទះ ខេត្តអានយ៉ាង បានបង្កលក្ខណៈសម្រាប់អាជីវកម្ម សហករណ៍ និងប្រធានកម្ម OCOP នៅលើភូមិសាស្ត្របានចែករំលែក សិក្សាបទពិសោធន៍ ជួបជាមួយអ្នកចែកចាយជាដើម ដើម្បីបើកឱកាសអភិវឌ្ឍន៍ក្នុងដំណាក់កាលថ្មី។

រសៀលថ្ងៃទី ១៥ ខែកញ្ញា ក្រសួងកសិកម្ម និងបរិស្ថានបានសហការជាមួយគណៈកម្មាធិការប្រជាជនខេត្តអានយ៉ាង រៀបចំសន្និសីទវាយតម្លៃប្រសិទ្ធភាពសកម្មភាពជំរឿនកសិកម្ម និងជំរឿនកសិកម្មសហគមន៍ក្នុងការអនុវត្តទម្រង់អាជ្ញាធរមូលដ្ឋានពីរថ្នាក់នៅបណ្តាខេត្តតំបន់វាលទំនាបទន្លេគឺវឡុង។ លោក ត្រាន់ថាញណាម អនុរដ្ឋមន្ត្រីក្រសួងកសិកម្ម និងបរិស្ថាន លោក ង៉ោកុងធឹក អនុប្រធានគណៈកម្មាធិការប្រជាជនខេត្តអានយ៉ាង ធ្វើអធិបតីសន្និសីទ។

រសៀលថ្ងៃទី ១១ ខែកញ្ញា លោក ហូវ៉ាន់ម៉ឹង សមាជិកបម្រុងគណៈកម្មាធិការមជ្ឈិមបក្ស អនុលេខាបក្ខភាគខេត្ត ប្រធានគណៈកម្មាធិការប្រជាជនខេត្តអានយ៉ាង បានអញ្ជើញជាអធិបតីក្នុងកិច្ចប្រជុំដើម្បីស្តាប់របាយការណ៍ស្តីពីល្បឿនអនុវត្តសេចក្តីសម្រេចចិត្តសំខាន់ៗចំនួន ៤ របស់ការិយាល័យនយោបាយ។ អញ្ជើញចូលរួមកិច្ចប្រជុំមានលោក ហូវ៉ាន់ភឿក លោក ឡេទ្រុងហូ សមាជិកបក្ខភាគខេត្ត អនុប្រធានគណៈកម្មាធិការប្រជាជនខេត្តអានយ៉ាង។ ថ្នាក់ដឹកនាំគណ:ឃោសនាអប់រំនិងចលនាមហាជនបក្ខភាគខេត្ត ការិយាល័យបក្ខភាគខេត្ត និងសមាជិកគណៈកម្មាធិការប្រជាជនខេត្ត។