នៅរសៀលថ្ងៃទី ០១ ខែមិថុនា នគរបាលសង្កាត់ទីញបៀន បានរៀបចំសន្និបាតផ្សព្វផ្សាយបែបផែនសហការចាត់តាំងកម្លាំង និងមធ្យោបាយ ដើម្បីធានាសន្តិសុខ សណ្តាប់ធ្នាប់ សម្រាប់ផ្សារណាត់ពាណិជ្ជកម្មអន្តរជាតិ ទីញបៀន - អានយ៉ាង ឆ្នាំ ២០២៦ និងសន្និបាតតភ្ជាប់ទំនាក់ទំនងពាណិជ្ជកម្មតំបន់ព្រំដែន វៀតណាម - កម្ពុជា - ឡាវ។

នៅថ្ងៃទី ២៧ ខែឧសភា នៅសង្កាត់ឡុងស៊្វៀន មជ្ឈមណ្ឌលជំរុញកសិកម្មតំបន់វាលរាបទន្លេគឺវឡុង សហការជាមួយមជ្ឈមណ្ឌលជំរុញកសិកម្មអានយ៉ាង និងក្រុមហ៊ុន Bayer វៀតណាម បានរៀបចំសិក្ខាសាលាស្តីពី “ការជំរុញការផ្ទេរបច្ចេកវិជ្ជា និងចំណេះដឹងអនុវត្តកសិកម្មដោយចីរភាព និងប្រសិទ្ធភាព ពង្រីកទម្រង់ Bayer ForwardFarming - កសិកម្មចីរភាពឆ្ពោះទៅអនាគត ដើម្បីបង្កើនផលិតភាព និងគុណភាពផលិតផល គាំទ្រការអនុវត្តគម្រោងដាំស្រូវគុណភាពខ្ពស់ ១ លានហិកតា ការបំភាយឧស្ម័នទាប ភ្ជាប់នឹងកំណើនបៃតងនៅតំបន់វាលរាបទន្លេគឺវឡុង” នៅខេត្តអានយ៉ាង។

ព្រឹកថ្ងៃទី ២៦ ខែឧសភា នៅឃុំចូវផុង គណៈកម្មាធិការបក្សខេត្ត ក្រុមប្រឹក្សាប្រជាជន គណៈកម្មាធិការប្រជាជន និងគណៈកម្មាធិការរណសិរ្សមាតុភូមិវៀតណាមខេត្តអានយ៉ាងបានរៀបចំពិធីជួបជុំអបអរសាទរបុណ្យចូលឆាំ្នថ្មី Roya Haji ឆ្នាំ ២០២៦ របស់ជនរួមជាតិចាម។ អញ្ជើញចូលរួមពិធីជួបជុំមាន អ្នកស្រី ត្រាន់ធី ថាញ់ហ៊ឿង អនុលេខាបក្សខេត្ត ប្រធានគណៈកម្មាធិការរណសិរ្សមាតុភូមិវៀតណាមខេត្តអានយ៉ាង លោក តុងភឿកទ្រឿង សមាជិកគណៈអចិន្ត្រៃយ៍បក្សខេត្ត ប្រធានគណៈឃោសនាអប់រំនិងចលនាមហាជនបក្សខេត្ត។ លោក ឡេវ៉ាន់ភឿក អនុប្រធានគណៈកម្មាធិការប្រជាជនខេត្តនិងថ្នាក់ដឹកនាំមន្ទីរ ផ្នែកពាក់ព័ន្ធ សមណសក្តិ អ្នកមុខអ្នកការ និងជនរួមជាតិចាមនៅក្នុងខេត្តយ៉ាងច្រើនកុះករចូលរួម។

នៅថ្ងៃទី ២៥ ខែ ឧសភា នៅឃុំហូយអាន លោក ហូ វ៉ាន់ម៉ឹង សមាជិកគណៈកម្មាធិការមជ្ឈិមបក្ស អនុលេខាបក្សខេត្ត និងប្រធានគណៈកម្មាធិការប្រជាជនខេត្តអានយ៉ាង ធ្វើអធិបតីកិច្ចប្រជុំជាមួយឃុំនិងសង្កាត់ចំនួន ២៥ ស្ថិតក្នុងអនុតំបន់ភាគខាងកើតខេត្តអានយ៉ាង។ អញ្ជើញចូលរួមផងដែរ មានលោក ឡេវ៉ាន់ភឿក លោក ង៉ោកុងធឹក អ្នកស្រី ង្វៀនធីមិញធ្វី និងលោក ឡេត្រុងហូ អនុប្រធានគណៈកម្មាធិការប្រជាជនខេត្ត ។

នៅព្រឹកថ្ងៃទី ២២ ខែឧសភា មហាសន្និបាតលើកទី ១ នៃសហភាពយុវជនវៀតណាមខេត្តអានយ៉ាង អាណត្តិ ២០២៦-២០២៩ បានរៀបចំសម័យប្រជុំដ៏ឧឡារិក។

ដើម្បីលើកតម្កើង អភិរក្ស និងពង្រីកតម្លៃវប្បធម៌ប្រពៃណីរបស់ជនជាតិទាំងបួន ខ្មែរ គិន ចិន និងចាមនៅលើភូមិសាស្ត្រខេត្តអានយ៉ាង។គណៈកម្មាធិការប្រជាជនខេត្តនឹងរៀបចំទិវាបុណ្យវប្បធម៌ កីឡា និងទេសចរណ៍របស់ជនជាតិទាំងបួននៅខេត្តអានយ៉ាងជាលើកដំបូងនៅឆ្នាំ ២០២៦។ ព្រឹត្តិការណ៍នេះត្រូវបានគេរំពឹងថានឹងប្រព្រឹត្តទៅចាប់ពីថ្ងៃទី ២៤ ដល់ថ្ងៃទី ២៦ ខែមិថុនា នៅសង្កាត់រ៉ាច់យ៉ា។

នៅថ្ងៃទី២១ ខែឧសភា ក្រុមប្រឹក្សាប្រជាជនខេត្តអានយ៉ាង នីតិកាលទី១១ អាណត្តិ ២០២៦-២០៣១ បានបើកសម័យប្រជុំលើកទី២ (សម័យប្រជុំឯកទេសបទ) ដើម្បីពិចារណា និងសម្រេចលើបញ្ហាមួយចំនួនដែលស្ថិតនៅក្នុងសមត្ថកិច្ចរបស់ក្រុមប្រឹក្សាប្រជាជនខេត្ត។ លោក ង្វៀនថាញ់ញ៉ាន អនុលេខាប្រចាំការបក្សខេត្ត ប្រធានក្រុមប្រឹក្សាប្រជាជនខេត្ត ធ្វើជាអធិបតីក្នុងកិច្ចប្រជុំ។លោក ហូវ៉ាន់ម៉ឹង សមាជិកគណៈកម្មាធិការមជ្ឈិមបក្ស អនុលេខាបក្សខេត្ត និងជាប្រធានគណៈកម្មាធិការប្រជាជនខេត្ត អញ្ជើញចូលរួមកិច្ចប្រជុំ។

ព្រឹកថ្ងៃទី១៧ ខែឧសភា នៅតំបន់ពិសេសភូក្វឹក គណៈកម្មាធិការប្រជាជនខេត្តអានយ៉ាងបានរៀបចំសន្និបាតប្រកាសការរៀបចំផែនការ និងជំរុញការវិនិយោគខេត្តអានយ៉ាង។ លោក ផាម យ៉ាទុក សមាជិកការិយាល័យនយោបាយ និងជាឧបនាយករដ្ឋមន្ត្រីប្រចាំការរដ្ឋាភិបាល បានអញ្ជើញចូលរួម និងណែនាំសន្និបាត។

នៅថ្ងៃទី១៥ ខែឧសភា លោក ហូ វ៉ាន់ម៉ឹង សមាជិកគណៈកម្មាធិការមជ្ឈិមបក្ស អនុលេខាគណៈកម្មាធិការបក្សខេត្ត និងជាប្រធានគណៈកម្មាធិការប្រជាជនខេត្ត បានចូលរួម និងធ្វើជាអធិបតីក្នុងកិច្ចប្រជុំពិគ្រោះយោបល់អំពីគម្រោងផ្លាស់ប្តូរបៃតងនៃតំបន់ពិសេសភូក្វឹកដំណាក់កាល២០២៦-២០៣៥ និងចក្ខុវិស័យដល់ឆ្នាំ២០៥០។

ថ្ងៃទី១៤ ខែឧសភា នៅតំបន់ពិសេសភូក្វឹក លោក ង្វៀន ហ្វាងឡុង អនុរដ្ឋមន្ត្រីក្រសួងឧស្សាហពាណិជ្ជកម្ម រួមជាមួយនឹងក្រុមការងារបានជួបធ្វើការជាមួយខេត្តអានយ៉ាង ស្តីពីស្ថានភាពអនុវត្តគម្រោងនៃប្រភព និងបណ្តាញអគ្គិសនីក្នុងការរៀបចំផែនការអភិវឌ្ឍន៍ថាមពលជាតិដំណាក់កាល ២០២១-២០៣០ នឹងចក្ខុវិស័យដល់ឆ្នាំ ២០៥០។

ដើម្បីបង្កើនការយល់ដឹងបន្ថែមទៀតអំពីតួនាទី និងការទទួលខុសត្រូវរបស់គណៈកម្មាធិការបក្ស អាជ្ញាធរគ្រប់លំដាប់ថ្នាក់ អង្គការមហាជន និងសង្គមទាំងមូលអំពីជំហរនិងតួនាទីដ៏សំខាន់របស់សេដ្ឋកិច្ចឯកជន។ អានយ៉ាងបានកំណត់សេដ្ឋកិច្ចឯកជនជាកម្លាំងចលករដ៏សំខាន់បំផុតនៃខឿនសេដ្ឋកិច្ចមូលដ្ឋាន ដោយមានតួនាទីនាំមុខក្នុងការលើកកម្ពស់កំណើន GRDP បង្កើតការងារ បង្កើនផលិតភាពការងារ និងបង្កើនភាពប្រកួតប្រជែង។

ថ្ងៃទី ២៩ ខែមេសា នៅតំបន់ឧស្សាហកម្មថាញ់ឡុក ឃុំថាញ់ឡុក (ខេត្តអានយ៉ាង) សហជីពកម្មករខេត្ត បានសហការជាមួយមន្ទីរមហាផ្ទៃខេត្តអានយ៉ាង ដើម្បីរៀបចំពិធីបំផុសខែកម្មករ និងខែសកម្មភាពស្តីពីសុវត្ថិភាព និងអនាម័យពលកម្ម ឆ្នាំ ២០២៦។

យោងតាមមន្ទីរឧស្សាហពាណិជ្ជកម្មខេត្តអានយ៉ាង នៅឆ្នាំ២០២៥ ខេត្តនាំចេញអង្ករជាង ១លានតោន ដោយមានតម្លៃប្រមាណ ៣២០លានដុល្លារអាមេរិក។ នៅឆ្នាំ២០២៦ ខេត្តអានយ៉ាងបានដាក់គោលដៅនាំចេញអង្ករពី ១លានតោនឡើងទៅ ដោយបង្កើនតម្លៃនាំចេញពី ៣៥០ ទៅ ៣៧០លានដុល្លារអាមេរិក កើនឡើងពី ១០ ទៅ ១៥% បើប្រៀបធៀបទៅនឹងឆ្នាំ២០២៥ និងក្នុងដំណាក់កាល ២០២៦-២០៣០ នាំចេញអង្ករជាង ៥,៤លានតោនទៅកាន់ទីផ្សារបណ្តាប្រទេស និងដែនដីនានាលើពិភពលោក។

នៅរសៀលថ្ងៃទី១៩ ខែមេសា នៅទីក្រុងហាណូយ ក្រសួងអប់រំ និងបណ្តុះបណ្តាល សហការជាមួយគណៈកម្មាធិការកណ្តាលមជ្ឈិមនៃសម្ព័ន្ឋយុវជនកុម្មុយនិស្តហូជីមិញ ក្រសួងវិទ្យាសាស្ត្រ បច្ចេកវិជ្ជា និងអន្តរសម្ព័ន្ឋយុវជនពាណិជ្ជកម្ម និងឧស្សាហកម្មវៀតណាម (VCCI) បានរៀបចំពិធីបិទថ្ងៃបុណ្យផ្តើមអាជីពជាតិរបស់សិស្សានុសិស្សនិងនិស្សិតជាតិ និងប្រគល់រង្វាន់សម្រាប់ការប្រកួតប្រជែង "សិស្សានុសិស្សនិងនិស្សិតដែលមានគំនិតផ្តើមអាជីវកម្មលើកទី ៨"

នៅថ្ងៃទី១៨ ខែមេសា លោក ហូ វ៉ាន់ម៉ឹង សមាជិកគណៈកម្មាធិការមជ្ឈិមបក្ស អនុលេខាបក្សខេត្ត ប្រធានគណៈកម្មាធិការប្រជាជនខេត្ត បានធ្វើជាអធិបតីក្នុងកម្មវិធី “កាហ្វេធុរជន” លើកទី២ ឆ្នាំ២០២៦ ក្រោមប្រធានបទ “ឆ្ពោះទៅរកការអភិវឌ្ឍធុរកិច្ចបៃតងនិងទំនួលខុសត្រូវសង្គម”។ អញ្ជើញចូលរួមផងដែរមានលោក យ៉ាង វ៉ាន់ភុក អនុប្រធានក្រុមប្រឹក្សាប្រជាជនខេត្ត លោក ឡេ ទ្រុងហូ អនុប្រធានគណៈកម្មាធិការប្រជាជនខេត្ត រួមជាមួយមន្ទីរផ្នែក និងអង្គភាពពាក់ព័ន្ធ ព្រមទាំងធុរជន និងធុរកិច្ចជាង ២៨០នាក់ មកពីក្នុង និងក្រៅខេត្តផងដែរ។

នៅថ្ងៃទី១៧ ខែមេសា នៅតំបន់សេដ្ឋកិច្ចពិសេសភូក្វឹក គណៈប្រតិភូថ្នាក់ដឹកនាំនៃគណៈកម្មាធិការជាតិ APEC ២០២៧ ដឹកនាំដោយលោក ង្វៀន មីញហាំង អនុរដ្ឋមន្ត្រីក្រសួងការបរទេស អនុប្រធានប្រចាំការនៃគណៈកម្មាធិការជាតិ APEC ប្រធានគណលេខាធិការ APEC ២០២៧ បានបើកកិច្ចប្រជុំធ្វើការជាមួយគណៈកម្មាធិការប្រជាជនខេត្តអានយ៉ាង ស្តីពីការរៀបចំសប្តាហ៍កំពូល APEC ២០២៧។ លោក ង៉ោ កុងធឹក អនុប្រធានគណៈកម្មាធិការប្រជាជនខេត្ត រួមជាមួយថ្នាក់ដឹកនាំមន្ទីរ គណៈ ផ្នែកពាក់ព័ន្ធ បានទទួល និងធ្វើការជាមួយគណៈប្រតិភូ។

នៅរសៀលថ្ងៃទី ៦ ខែមេសា គណៈអចិន្ត្រៃយ៍នៃគណៈកម្មាធិការបក្សខេត្តអានយ៉ាងបានរៀបចំសន្និបាតព័ត៌មានស្ថានភាព និងលទ្ឋផលអនុវត្តភារកិច្ចនយោបាយត្រីមាសទី ១ ឆាំ្ន ២០២៦ជូនដល់អតីតថ្នាក់ដឹកនាំខេត្ត និងសមាជិកគណៈអចិន្ត្រៃយ៍នៃគណៈកម្មាធិការបក្សខេត្តនៅគ្រប់សម័យកាល។ សន្និបាតដឹកនាំដោយលោក ហូ វ៉ាន់ ម៉ឹង សមាជិកគណៈកម្មាធិការមជ្ឈិមបក្ស អនុលេខាបក្សខេត្ត ប្រធានគណៈកម្មាធិការប្រជាជនខេត្ត និងលោក ឡឹម មិញ ថាញ់ អនុលេខាគណៈកម្មាធិការបក្សខេត្ត។

នៅព្រឹកថ្ងៃទី ៦ ខែមេសា សមមិត្ត ត្រាន់ ធីថាញហឿង អនុលេខាបក្សខេត្ត ប្រធានគណៈកម្មាធិការរណសិរ្សមាតុភូមិវៀតណាមខេត្តអានយ៉ាង បានទៅសួរសុខទុក្ខ និងជូនពរឆ្នាំថ្មី ឆ្នាំ ២០២៦ នៅតាមវត្តអារាមខ្មែរថេរវាទនៅក្នុងឃុំទ្រីតូន និងឃុំអូរឡឹម។

នៅព្រឹកថ្ងៃទី ៦ ខែមេសា លោក ហូ វ៉ាន់ម៉ឹង សមាជិកគណៈកម្មាធិការមជ្ឈិមបក្សវៀតណាម អនុលេខាគណៈកម្មាធិការបក្សខេត្ត និងជាប្រធានគណៈកម្មាធិការប្រជាជនខេត្តអានយ៉ាង បានដឹកនាំគណៈប្រតិភូមួយក្រុមទៅសួរសុខទុក្ខ និងជូនពរឆ្នាំថ្មីដល់ជនរួមជាតិខ្មែរនៅសង្កាត់ជីឡាំង និងឃុំអានគឺ ក្នុងឱកាសបុណ្យចូលឆ្នាំថ្មីប្រពៃណីជាតិ ឆ្នាំ ២០២៦។ ចូលរួមជាមួយគណៈប្រតិភូរួមមានលោក ង្វៀន ម៉ាញ់ហា អនុប្រធានគណៈឃោសនាអប់រំ និងចលនាមហាជននៃគណៈកម្មាធិការបក្សខេត្ត ហើយនិងតំណាងថ្នាក់ដឹកនាំមកពីមន្ទីរផ្នែកពាក់ព័ន្ធ និងថ្នាក់ដឹកនាំមូលដ្ឋាន។

នៅថ្ងៃទី២៤ ខែមីនា លោក ង្វៀន ថាញ់ ផុង សមាជិកគណៈអចិន្ត្រៃយ៍នៃគណៈកម្មាធិការបក្សខេត្ត និងជាអនុប្រធានប្រចាំការគណៈកម្មាធិការប្រជាជនខេត្ត ដឹកនាំកិច្ចប្រជុំ ស្តាប់របាយការណ៍ និងឆ្លងគម្រោងជាក់លាក់កម្មវិធីសកម្មភាពអនុវត្តសេចក្តីសម្រេចចិត្តមហាសន្និបាតគណៈកម្មាធិការបក្សខេត្ត និងមហាសន្និបាតបក្សនៃគណៈកម្មាធិការប្រជាជនខេត្តលើកទី៣។