ថ្ងៃទី ១៨ ខែមីនា នៅឃុំលឿងភី គណកម្មាធិការរណសិរ្សមាតុភូមិវៀតណាមខេត្តអានយ៉ាង និងស្រុកទ្រីតូនសហការជាមួយនឹងធនាគារពាណិជ្ជកម្មភាគហ៊ុនវិនិយោគនិងអភិវឌ្ឍន៍វៀតណាម (BIDV) សាខាអានយ៉ាងរៀបចំពិធីប្រគល់ផ្ទះមហាសាមគ្គី ៣០ ខ្នងដល់គ្រួសារក្រីក្រនៅក្នុងស្រុក។
អញ្ជើញចូលរួមមានលោកស្រី ហាមិញត្រាង អនុប្រធានគណៈកម្មាធិការរណសិរ្សមាតុភូមិវៀតណាមខេត្តអាន លោក ត្រាន់វ៉ាន់គឿង អនុប្រធានគណៈកម្មាធិការប្រជាជនស្រុកទ្រីតូន លោក ឡេវៀតទ្រុង អនុប្រធាន BIDV សាខាអានយ៉ាង។
ផ្ទះមហាសាមគ្គីចំនួន ៣០ ខ្នងបានគណៈកម្មាធិការរណសិរ្សមាតុភូមិវៀតណាមស្រុកទ្រីតូន បែងចែកឲ្យឃុំលឿងភី ២៤ខ្នង វិញយ៉ា ២ ខ្នង អានទឹក១ ខ្នង និងទីរួមស្រុកបាជុក ៣ ខ្នង។ ផ្ទះនីមួយៗមានទំហំ ៤០ម២ ដំបូលសង្គសី ជញ្ជាំងថ្ម កំរាលឥដ្ឋ។ល។ ថវិកាសាងសង់ជាសរុបនៃការសាងសង់ផ្ទះ ៣០ខ្នងនេះ គឺ ២,៣៤៥ ពាន់លានដុង។ ក្នុងនោះ BIDV សាខាអានយ៉ាងឧបត្ថម្ភ ១,៥ពាន់លានដុង គ្រួសារ និងមូលដ្ឋានបដិភាគ ៨៤៥លានដុង។
ថ្លែងមតិក្នុងពិធី លោក ត្រាន់ក្វុកគឿង ប្រធានគណៈកម្មាធិការរណសិរ្សមាតុភូមិវៀតណាមស្រុកទ្រីតូន បានថ្លែងអំណរគុណដល់ BIDV សាខាអានយ៉ាងបានឧបត្ថម្ភឲ្យស្រុកដើម្បីថែទាំអ្នកក្រីក្រ។ ទន្ទឹមនឹងនោះឲ្យដឹថា ទ្រីតូន គឺជាស្រុកមួយក្នុងចំណោមស្រុកក្រីក្រចំនួន ៧៤ ក្នុងប្រទេសទាំងមូល មានឃុំពិបាកជាពិសេសចំនួន ៥។ បច្ចុប្បន្ននេះ ស្រុកទាំងមូលនៅមានគ្រួសារក្រីក្រចំនួន ១.៤៨៧ គ្រួ និងគ្រួសារបៀតក្រីក្រ ២.៣២៦ គ្រួ។ នៅឆ្នាំ ២០២៥ ស្រុកបានសម្រេចគោលដៅលុបបំបាត់ផ្ទះបណ្ដោះអាសន្ន និងទ្រុឌទ្រោមចំនួន ១.៣៣៦ខ្នង។ ដូច្នេះហើយ ក្រៅពីធនធានរបស់មជ្ឈិម ខេត្ត ត្រូវការជួយជ្រោមជ្រែងរបស់អង្គការ និងបុគ្គលក្នុងការរួមដៃជាមួយមូលដ្ឋាន ដើម្បីអនុវត្តរបបសន្តិសុខសង្គមបានល្អ៕
ប្រែ៖ណារីពៅ
