ព្រឹកថ្ងៃទី ១២ ខែមីនា សម័យប្រជុំលើកទី ២៨ (ឯកទេសកម្ម) នៃក្រុមប្រឹក្សាប្រជាជនខេត្តលើកទី ១០ អាណត្តិ ២០២១ - ២០២៦ បានប្រព្រឹត្តទៅ ពិនិត្យ និងអនុម័តលើសេចក្តីព្រាងសេចក្តីសម្រេចចិត្តចំនួន ១២ ដែលអាស្រ័យដោយប្រចាំការក្រុមប្រឹក្សាប្រជាជន និងគណៈកម្មាធិការប្រជាជនខេត្តដាក់ជូន។ លោក ឡេវ៉ាន់នឹង អនុលេខាប្រចាំការបក្ខភាគខេត្ត ប្រធានក្រុមប្រឹក្សាប្រជាជនខេត្ត។ លោក ដោតាន់គៀត អនុប្រធានក្រុមប្រឹក្សាប្រជាជនខេត្តអានយ៉ាង និងលោកស្រី ឌិញធីវៀតហ្វិញ ជាប្រធានកិច្ចប្រជុំ។ លោក ហូវ៉ាន់ម៉ឹង សមាជិកបម្រុងគណៈកម្មាធិការមជ្ឈិមបក្ស អនុលេខាបក្ខភាគខេត្ត ប្រធានគណៈកម្មាធិការប្រជាជនខេត្តអានយ៉ាង បានអញ្ជើញចូលរួម។
តាមរយៈនោះ អង្គប្រជុំបានពិចារណាលើការលើកលែងតែងតាំងលោក ង្វៀនទៀកហុង ជាប្រធានគណៈកម្មការជនជាតិនៃក្រុមប្រឹក្សាប្រជាជនខេត្តលើកទី ១០ អាណត្តិ ២០២១ - ២០២៦ (ដោយសារការរួមបញ្ចូលគ្នានៃគណៈកម្មាធិការក្រុមប្រឹក្សាប្រជាជនខេត្ត)។ លើកលែងការតែងតាំងមុខតំណែងសមាជិកគណៈកម្មាធិការប្រជាជនខេត្តអាណត្តិ ២០២១ - ២០២៦ ចំនួន ៦ ករណី (ដោយសារការផ្លាស់ប្តូរទីតាំងការងារនិងចូលនិវត្តន៍)៖ លោក តាន់ភូអាន (អតីតប្រធានមន្ទីរវិទ្យាសាស្ត្រ និងបច្ចេកវិជ្ជា) លោក ឡេ ង្វៀនចូវ (អតីតប្រធានមន្ទីរមហាផ្ទៃ) លោក ង្វៀនក្វុកគឿង (អតីតប្រធានមន្ទីរស្ថាបនកម្ម) លោក ថៃមិញហៀន អតីតប្រធានមន្ទីរធនធានធម្មជាតិនិងបរិស្ថាន) លោក ង្វៀនស៊ីឡាំ (អតីតប្រធានមន្ទីរកសិកម្ម និងអភិវឌ្ឍន៍ជនបទ) លោក តាន់ហ្វាហើប (អតីតប្រធានការិយាល័យគណៈកម្មាធិការប្រជាជនខេត្ត)។ទន្ទឹមនឹងនោះ បោះឆ្នោតសមាជិកគណៈកម្មាធិការប្រជាជនខេត្តបន្ថែមចំនួន៣រូបទៀត រួមមាន៖ លោក ឡេគីក្វាង (ប្រធានការិយាល័យគណៈកម្មាធិការប្រជាជនខេត្ត) លោក ង្វៀន ភូតាន់ (ប្រធានមន្ទីរស្ថាបនកម្ម), លោក ង្វៀនញឺអាញ់ (ប្រធានមន្ទីរមហាផ្ទៃ)។
កិច្ចប្រជុំក៏បានបោះឆ្នោតអនុម័តលើសេចក្តីសម្រេចចិត្តពន្យាពេលសម្រាប់ការរៀបចំទុនអនុវត្តគម្រោងរហូតដល់ដំណាច់ឆ្នាំ ២០២៥ សម្រាប់គម្រោងដែលប្រើប្រាស់ទុនថវិកាមជ្ឈិម និងទុនថវិកាមូលដ្ឋាន។កែសម្រួល និងបំពេញបន្ថែមការបែងចែកលម្អិតផែនការវិនិយោគសាធារណៈសម្រាប់ឆ្នាំ ២០២៥ ពីប្រភពទុនថវិកាមូលដ្ឋាន៕
ប្រែ៖ ណារីពៅ
