ព្រឹកថ្ងៃទី ២៨ ខែមេសា មន្ទីរអប់រំ និងបណ្តុះបណ្តាល បានបញ្ចប់ការប្រឡង “សរសេរត្រូវ និងសរសេរស្អាត” សម្រាប់កម្រិតបឋមសិក្សា ឆ្នាំសិក្សា ២០២៤ - ២០២៥។ គណប្រតិភូ លោកគ្រូ អ្នកគ្រូ មាតាបិតា និងបេក្ខជនចូលរួមប្រឡងចំនួន ១១០ នាក់។ គណៈកម្មការប្រគល់រង្វាន់លេខមួយចំនួន ១០ លេខពីរ ចំនួន ២៥និងលេខបីចំនួន ៧៥ រង្វាន់។
ការប្រឡងបានបើកនៅថ្ងៃទី ១៩ ខែមេសា ដោយមានការចូលរួមពីបេក្ខជនឆ្នើមចំនួន ១១០ នាក់ មកពីស្រុក ទីរួមខេត្ត ក្រុងក្នុងខេត្ត។ ពួកប្អូនជាតំណាងឆ្នើមបានឆ្លងកាត់ការប្រឡងថ្នាក់សាលា និងថ្នាក់ស្រុក។
យោងតាមលោក ង្វៀនក្វុកខាញ់ អនុប្រធានមន្ទីរអប់រំ និងបណ្តុះបណ្តាល ការប្រឡង “សរសេរត្រូវ និងសរសេរស្អាត” សម្រាប់កម្រិតបឋមសិក្សាឆ្នាំសិក្សា ២០២៤-២០២៥ បានប្រារព្ធឡើងជាលើកទី២ នៅក្នុងបរិវេនខេត្តទាំងមូល។ នេះមិនត្រឹមតែជាសកម្មភាពអាជីពប៉ុណ្ណោះទេ ថែមទាំងជាសួនលេងកម្សានមានលំនាំអប់រំសិល្បៈផងដែរ ឆ្ពោះទៅដល់ការលើកកម្ពស់សមត្ថភាពលត់ដំជំនាញសរសេរអក្សរបស់សិស្សផងដែរ។ បានសាយភាយចលនាប្រឡងប្រណាំងក្នុងការសិក្សា លើកតម្កើងភាពស្រស់ស្អាតនៃការសរសេរ និងរក្សាភាពបរិសុទ្ធនៃភាសាវៀតណាម៕
ប្រែ៖ ណារីពៅ
